11/27/2006

இருவீடு ஒருவாசல்


நமது முன்னோர்கள் ஆசியாவிலிருந்து படகு மூலமாகவோ, இன்று கடலில் மூழ்கடிக்கப்பட்ட தரைப்பாலம் வழியாகவோ ஆஸ்திரேலியாவிற்கு புலம் பெயர்ந்திருக்கலாம் என்று இன்றைய நாகரீக மக்கள் கதைக்கும் வேலையில், நம்முடைய முகவமைப்பு தென்னிந்தியாவின் தென்கோடியில் வாழும் பூர்வகுடிகள் சிலரைப் போலவும்,இந்தோனேசியாவில் இருக்கும் "செலிபிஸ்" மலைவாழ் பூர்வக்குடிகள் போலவும் மானிடவியல் ஆராய்ச்சியாளர்கள் கூறுகின்ற வேளையில், நாம் அதைப்பற்றி கதைக்காமல் அதை அவர் வழியில் ஆராயவிடுவோம்.

உண்மையில், "ரிறாத்ஜிங்கு"- எம்மின மக்கள் தொலைதூரத்திற்கு அப்பால் ஏதோ ஒரு கடல்பரப்பின் "பரால்க்கு" தீவிலிருந்தே எமது முன்னோர் "ட்ஜன்காவு" அவருடைய இரு தமக்கைகளோடு அதிகாலை நட்சத்திரத்தைத் தொடர்ந்து "ஆற்னெம்" கிழக்குக்கரையின் "ஏலங்காரா"வின் கரைகளை கிழக்குக்கரையின் படகின் மூலம் வந்தடந்திருக்கலாம் என அறிகிறோம். எம்மின மக்கள் இறக்கும்போது அவர்களுடைய ஆவிகள் எமது பூர்விக "பரால்க்கு" தீவைச் சென்றடையும்...

-Jennifer Isaacs
Australian Dreaming
40,000 years of aboriginal history.


*****
மனிதனுக்கு வெறுப்பும், பழிவாங்கும் உணர்வும் மேலோங்கிவிட்டால் அவன் அதற்காக எவ்விதமான செயலும் எவ்விதமான பயனங்களும் மேற்கொள்ளுவான். ரொட்டித்திருடர்களையும், பொட்டித்திருடர்களையும் தண்டிக்கும் பொருட்டு ஆஸ்திரேலியா வந்த பரங்கித் தலையர்கள் இங்கிருந்த கனிமவளங்களைக் கண்டு இங்கேயே கூடாரமிட்டனர். அத்தோடில்லாமல் இங்கிருந்த பூர்வக்குடிகளையும் அழித்து தம் ஏகாதிபத்தியத்தை நிலைநாட்டினர். இன்றும் கூட "வருந்தும் நாள்" என்று கைகுலுக்கும் நாளை பரங்கியர்கள் கொண்டாடினாலும் பூர்வ குடிகள் என்றும் "black fellas்" தான்.

பூர்வக்குடிகளின் சிலர் மனிதனின் ஆறறிவோடு மிருகத்திற்கு ஒப்பான அபூர்வமான மோப்பம் பிடிக்கும் திறனையும், அவர்களின் வாழ்வியல் நிலமான செம்மலை பூமியையும் அதன் சார்ந்த இடங்களையும் நன்றாகவே அறிந்திருந்தனர். இதனால் பிராதான நிலப்பகுதியில் சிறுதவறுகளைப் புரிந்து செம்மலை பூமியில் அடைக்கலமாகும் பூர்வக்குடியினரை சிற பிடிக்க இவ்விதமான அபூர்வத்திறனைக் கொண்ட இன்னுமொரு பூர்வக்குடியானவனையே தேர்ந்தெடுத்தனர். அதைப் போன்றதொரு "தடயவியலாளன்"ஐப் பற்றியதொரு திரைப்படம் தான் "The tracker".

மிகவும் சிறப்பான காட்சியமைப்புகளும், பூர்வக்குடிகளின் ஓவியக்கலை மற்றும் நாட்டியக்கலைகளையும், ஆஸ்திரேலியாவின் செம்மன் மலைப் பிரதேசங்களை மிகத் தத்ரூபாமாக படம்பிடித்த விதமும், பரங்கித்தலையர்களின் இனவெறுப்பும் அவர்களின் நிற ஏகதிபத்தியத்தை நிலைநாட்ட அவர்கள் நடத்திய முழுவதுமான இனவொழிப்பையும், பூர்வக்குடிகளின் கூட்டுவாழ்க்கை குடும்ப முறைகளையும் அவர்களின் நீதி வழங்கும் முறையையும் அருமையாக விளக்கிய திரைப்படம். பொதுவாக ஆஸ்திரேலிய திரைப்படங்கள் உலகளாவிய முக்கியத்துவம் பெறாவிட்டாலும் இதைப்போன்றதொரு சிறப்பான திரைப்படங்களும் அவ்வப்போது வந்துக் கொண்டுதானிருக்கின்றன.

இப்படத்தின் நாயகனாக வரும் தடவியலாளன் "கல்பிலில்" ஆஸ்திரேலியாவின் பூர்வக்குடிகளின் "தலைமகனாக"க் கருதப்படுபவர். இவரும் பூர்வக்குடியானாக இருப்பதாலோ என்னவோ அவருடைய நடிப்பும், உணர்ச்சிகளை வெளிப்படுத்திய விதமும் நம்மை 1922க்கே அழத்துச் செல்கின்றன. குற்றஞ்சாட்டப்பட்ட சக பூர்வக்குடியைத் தேடிச் செல்லும்போது நிறவெறி, இனவெறி பிடித்த பரங்கிய காவல்துறைத் தலைவன் வழியெங்கிலும் வன்முறையைக் கையான்டு பூர்வக்குடிகளின் உயிரைக் கொன்று சிதைக்கும் வலியைப் புன்னகையோடேந்தி அவனுடைய வழியிலேயே அவனுக்கு இறுதி தீர்ப்பை வாசிக்கும் பொழுது "கல்பிலில்" நமது மனதில் நிற்கிறார்.

*****

இன்றைய நுட்பம் சார்ந்த நாகரீக உலகில் இணையமும், இணைய அளாவல்களும் இன்றியமையா இடத்தை அடைகின்ற வேளையில் இணையம் சார்ந்த ஊடகங்களும் வலுப்பெறுகின்றன. அதனூடே ஊடகம் சார்ந்த வன்முறைகளும் பெருகிக் கொண்டுதான் இருக்கிறது. மனிதனில் மூலை ஒரு நகரை நிர்மானிக்கும் அறிவைப்பேற்றிருந்த போதிலும் அதே அறிவு அந்நகரை அழிக்கும் அணுகுண்டு போன்ற பேரழிவுமிக்க ஆயுதங்களையும் உருவாக்கியது. ஆக மிருகம் கூட பசியெடுத்தால் தான் வேட்டையாடும் என்றிருக்கையில் மனிதனின் பழிவாங்கும் போக்கும் அவன் தம் சாதி/மதத்தின் மேல் கொண்டுள்ள பற்றுதல்களும் அவனை உலகின் எவ்விதமான உயிரினங்களொடு ஒப்பிட இயலாத அளவிற்கு அவனுடைய நுண்ணறிவு வன்முறை அளவுகடந்து நிரம்பி வழிகின்றது.

இன்று நாமும் வலைப்பதிகிறோம். ஒருவர் ஒன்றொ அல்லது ஒன்றுக்கு மேற்பட்ட வலைப்பதிவுகளையோ சொந்தப் பெயரிலோ அல்லது புனைப்பெயரிலோ அல்லது பெயர் மாற்றியோ எழுதிக்கொண்டு தான் வருகிறோம். அது அவரவர் கருத்து மட்டுமல்லாமல் கட்டிவைத்த அல்லது ஏற்றிவிடப்பட்ட பிம்பத்தை பொறுத்தது. ஒரு சிலர் நேரங்காலம் தெரியாமல் ஒரேபதிவில் அவர் அறியாமலே இன்னொரு "குசும்பு" பெயரில் பின்னூட்டி சந்து முதல் சந்தி சிரித்த அவலங்களும் அரங்கேறிக் கொண்டுதான் இருக்கின்றது. மற்றுமொரு கூட்டம் நட்புவட்டத்தின் பெயரை குலுக்கிப் போட்டும் இன்னொறுவரின் சொந்த வாழ்க்கையின் நிகழ்வுகளை சுருட்டி தனிப்பதிவில் அரங்கேற்றும் அவலங்களும் நடந்துக் கொண்டுதானிருக்கிறது. இதன் மூலம் சந்தி தம்மினம் சந்தி சிரிப்பதாத ஆழ்ந்த மனம் பிறழ்ந்த "கொலைப்பதிவர்" ஒருவர் எப்படியாவது தம்மின மக்களை காக்கும் பொருட்டு ஒரு "நாங்கு வரி" அவதார புருஷனாக முயற்சி செய்கையில் ஏழுகடல் தாண்டி வந்த அறிவுரையின் படி வலைபதிவர் அனைவருக்கும் இக்"கொலைபதிவர்" ஒரு மின்னஞ்சல் அனுப்பி தன் "நாய்" போன்ற மோப்ப சக்தியை வெளிப்படுத்திக் கொண்டிருக்கிறார். இக்கொலைபதிவர் பல்வேறு காலகட்டங்களில் தர்ம அடி வாங்கி அமுக்கி வாசித்தவர் இப்போதும் தன் "ஜென்ம புத்தி"யை (நன்றி:மாயவரத்தான்) காட்டி தம்மினத்தை காக்க அவதாரம் எடுத்துள்ளார். இப்போது அவர் வெறும் "ஹின்ட்" மட்டும் கொடுத்து ஏற்கனவே டவுசர் கிழிந்து போன ஒரு டவுசர் பான்டியை வைத்து எழுத விடுகிறவர். இதை அவர் புத்திசாலித் தனமாக நினைத்து செய்வதாக நினைத்தாலும் இவர்கள் அழிக்க நினைக்கிற இன்னொரு கூட்டம் மற்றுமொரு நுண்ணறிவு தாக்குதலுக்கு தயாராகிவிட்டதாகவேத் தெரிகிறது.

கீழே வருவது அவருடைய "கூகிள்" தேடலின் அறிவால் வந்த "நுட்பறிவு"...

What is ReadNotify?

ReadNotify is the most powerful and reliable email tracking service that exists today. In short - ReadNotify tells you when email you sent gets read / re-opened / forwarded and so much more

How do I send a tracked email?

There are two ways you can send tracked emails:

  1. Simply add: .readnotify.com to the end of your recipients email address (they won't see this)
    or
  2. Install our ActiveTracker plugin to add the tracking for you.

Testing? If you send tracked emails to yourself, your anti-spam filters may block them (people don't usually write to themselves) - so we recommend you test by sending to other people.

What will you tell me about the tracked emails I send?

ReadNotify will endeavour to provide the following in your tracking reports:

  • Date and time opened
  • Location of recipient (per their ISP city /town)
  • Map of location (available on paid subscriptions)
  • Recipients IP address
  • Apparent email address of opening (if available)
  • Referrer details (ie; if accessed via web mail etc)
  • URL clicks
  • How long the email was read for
  • How many times your email was opened
  • If your email was forwarded, or opened on a different computer
All messages sent via ReadNotify benefit from our SPF compliant and Sender-ID compliant mail servers. This confirms safe transmission of your messages, and also enables us to report delivery status to you (including: bounce-backs, delays and success notifications). Delivery information is listed in your Personal Tracking Page.

Try hovering your mouse over the sections in our Live Sample Receipt for more information.

Note: ReadNotify.com does not use or contain any sp‌y-ware, ma‌l-ware, nor vi‌rues, it is not ill‌egal to use, and does not breach any pri‌vacy reg‌ulations in any countries.

11/14/2006



அதிகாரத்தைப் பகிர்வதில்
போராளி போரிடுவதில்லை
உரிமையை நிலைநாட்டவும்
சுயமரியாதையைக் காக்கவுமே
போரிடுகிறான்


அதிகாரவர்க்கத்தையும்
ஏகாதிபத்தியத்திமிரையும்
ஆணவத்தனத்தையும்
அசைக்கலாம்
ஆண்மையோடு வா

11/08/2006

Mayors Design Forum

நம்மூரில் மக்களால் தேர்ந்தெடுக்கப்பட்ட அரசானதும், அதன் உறுப்பினர்களும் நடந்து கொள்ளும் முறையானது "கொட்டை" எழுத்துக்களால் பொறிக்கப்பட வேண்டியதாயிருப்பினும் அவர்களுடைய மக்களுக்கான பங்களிப்பு மத்திய அரசினாலும், மாநில அரசினாலும் கொடுக்கப்படுகின்ற நிதியானது அவ்வுறுப்பினர்களின் சொந்தத் தேவையை நிவர்த்தியபின் மிச்சமாகும் எச்சமே. நாடாளுமன்ற, சட்டமன்ற உறுப்பினர்களுக்காவது பெரியதொரு தொகுதி?!, அவர்களுடைய ஐந்தாண்டு கால நாடாளுமன்ற/சட்டமன்ற வாசத்தில் வருடத்திற்கிரு முறை தொகுதியை வலம் வந்து அதன் நலமறிந்தாலே அவர்களுக்கு வாக்களித்தவர்களுக்கு உறுப்பினர்கள் செய்யும் மிகப்பெரிய வேலையாயிருக்கிறது. இந்நிலையில் உள்ளாட்சி மன்றங்கள் தாம் அதற்கான அடிப்படை/அத்தியாவசியத் தேவைகளைப் பூர்த்தி செய்துகொள்ள வேண்டும்.ஆனால் அங்கும் குழுப் பூசல்கள்...ஊழல்கள்...இத்யாதி...இத்யாதி...

*****

சிட்னி பல்கலைக்கழகத்தின் "திட்ட/வடிவமைப்பு ஆராய்ச்சி பணிமம்"(Planning Research Centre) என்ற அலுவலகம், நியூ சவுத் வேல்ஸ் மாகானத்தின் உள்ளூர் மக்களுக்குத் தேவையான பிரச்சினைகளை ஆராயும் பொருட்டு ஆண்டிற்கிருமுறை நகரமன்றத் தலைவர்களின் திட்ட/வடிவமைப்பு மாநாடு ஒன்றை இரண்டு நாட்களுக்கான பட்டறையாக நடத்துகிறது. இதில் மத்திய/மாநில அரசாங்கத்தின் தலையீடுகள் பெருவாரியாக இல்லாவிட்டாலும் அரசாங்கத்தின் பிரதிநிதிகளும், மாநிலத்தின் முக்கிய திட்டக் குழு அலுவலர்களும், மாநிலத்தின் முதன்மை கட்டிடக்கலை நிபுனரும் கலந்து கொள்ள அழைப்பு விடுக்கப் படுகிறது. அது மட்டுமன்றி மாகாணத்தின் அனைத்து மாமன்றங்களுக்கும் அதில் கலந்து கொள்ளுமாறு அழைப்பும் விடுக்கப்படுகிறது. ஆனால் இதில் கலந்து கொள்ள ஒரு குறைந்த அளவு கட்டணமும் கலந்து கொண்டவர்களுக்கு பட்டயமும் வழங்கப்படுகிறது.

இதன் முதல் மாமன்றத் தலைவர்களின் திட்ட/வடிவமைப்பு மாநாடு கடந்த மார்ச் மாதம் நடைபெற்றது. இதில் நான் மாணவ உதவியாளனாகக் கலந்து கொண்டு மூன்று நகரமன்றங்களுக்கு (நகரமன்றத் தலைவருக்கு) பணிபுரிந்த அனுபவத்தையும், இரண்டாவது மாநாடு கடந்த அக்டோபெர் மாதத்தின் இறுதியில் நடைபெற்றது. இதில் நான் மாநாட்டின் ஒருங்கிணைப்பாளனாகப் பணிபுரிந்த அனுபவத்தையும் பகிர்ந்து கொள்ளும் பொருட்டு இதை எழுதுகிறேன். இது மட்டுமன்றி பொது மக்களின் வரிப்பணத்தையும், நலத்திட்டங்களுக்காக ஒதுக்கப்படும் நிதியைத் தின்று கொழுத்திருக்கும் இந்திய/தமிழக அரசியல்வாதிகள் கற்றுக் கொள்ளவும், அரசாங்கத்தின் பணத்தில் இயங்குகின்ற முதன்மைக் கல்வி நிறுவனங்கள் எவ்வாறு நாட்டின்/உள்ளூர் கட்டமைப்பு வளர்ச்சியில் பங்கு கொள்கிறது என்பதையும் விளக்குவதற்காகவே இந்த பதிவு.

முதல்
மாமன்றத் தலவர்களின் திட்ட/வடிவமைப்பு மாநாட்டில் ஒவ்வொரு நகரமன்றத்திற்கும் ஒரு மாணவர் உதவியாளனாக நியமிக்கப் படுவார். இதர்கான மாணவர் தேர்வு தன்னார்வத்தின் அடிப்படையிலேயே தேர்ந்தெடுக்கப்படுவார்். அவருக்கு ஏற்படும் போக்குவரத்து, தொலைபேசி, அச்சுப்பிரதி ஆகியவற்றிற்கான செலவையும், அவருடைய உழைப்பிற்கான ஊதியமும் மாமன்றத் தலைவர்களின் நுழவுக் கட்டணமாக வசூலிக்கும் பணத்திலிருந்து கொடுக்கப் படுகிறது. இதில் மாணவரது பணியானது, அதாவது மாநட்டிற்கு முன்னரான தயாரிப்புப் பணியென்பது மாமன்றத் தலைவர் எந்தவொரு இடத்தில் அவர் எடுத்து வைக்கும் திட்டப்பணியானதை செயல் படுத்த நினைக்கிறாரோ அதைப்பற்றிய புலனாய்வும், அங்குள்ள இன்னபிற வடிவமைப்பிற்கான ஆராய்ச்சியும் அதைப்பற்றியதொறு கதைபுனைவும் உருவாக்க வேண்டும.(சைட் அனாலிசிஸ் & கேஸ் ஸ்டடி).

இத்தோடு மாணவரது பணி முடிந்துவிடும். அதன் பின்னர் மாநாட்டின் இரண்டாம் நாளில் வடிவமைப்பிற்கான பட்டறை நடைபெறும். இதில் மாமன்றத்தலைவர் மட்டுமல்லாது எதிர்க் கட்சியை சார்ந்தவர்களும், இன்னபிற மன்ற உறுப்பினர்களும் கலந்து கொள்ளலாம். இவர்களுக்கான குறைந்தபட்ச கட்டணமும் தனியாக வசூலிக்கப்படும். அங்கே ஏற்கனவே மாணவரால் உருவாக்கப்பட்ட அனைவராலும் எளிதில் புரிந்து கொள்ளக் கூடிய "ஸ்டோரி போர்டு" இருக்கும். அதில் முன்வைக்கப்பட்டிருந்த பிரச்சினைகளுக்கு ஏற்றவாறு "மாஸ்டர் ப்ளானிங்" விவாதிக்கப்படும். விவாதிப்பவர்கள் பிற நகரமன்றத் தலைவர்களும், ஒரு திட்ட/வடிவமைப்பு விரிவுரையாளரும் குறிப்பெடுக்க மாணவரும் இருப்பர். மூன்று மணி நேரம் மின்னல் வேகத்தில் தொடரும் இப்பட்டறையின் இறுதியில் மாணவர்கள் எடுத்த குறிப்பின் அடிப்படையில் வடிவமைப்பிற்கான மாதிரிப் படமும், அலசப்பட்ட பிரச்சினைகளின் வரைபடமும் ஸ்கேன் செய்யப்பட்டு கணிணியில் ஏற்றப்படு அந்நாளின் இறுதியில் சம்மந்தப்பட்ட மாமன்றத்தலைவரால் பார்வையாளர்களுக்கு தொகுத்தளிக்கப்படும்.

இந்த மாநாட்டின் சிறப்பம்சமே, கட்டிட வடிவமைப்போ, திட்ட வடிவமைப்பைப் பற்றியோ எந்தவொரு அனுபவமும் இல்லாத சாதாரண மனிதர்களாகிய மாமன்றத்தலைவர்களின் அறிவுக்கெட்டிய வகையில் அவர்களாலேயே அவருடைய நகரத்திற்கு தேவையான கட்டமைப்பு/வடிவமைப்பின் ஆதாரத்தையும் இதனால் ஏற்படக்கூடிய எதிர்வரும் பிரச்சினைகளுக்கான தீர்வும் அவர்களாலேயே அவர்களுக்குப் புரிந்த மொழியிலேயே எடுத்து வைப்பது தான். அது மட்டுமன்றி பல்வேறு நகரமன்றத் தலவர்களின் பங்களிப்பும் ஈடுபாடும், ஒருகால் ஒரே வகையான பிரச்சினையாய் இருப்பின் அவர்தம் முந்தைய சொந்த அனுபவத்தில் அதை அவர் எப்படி எதிர்கொண்டார் என்பதை விளக்குவதற்கும் ஏதுவாக இருக்கும். இதனால் புதியதொரு தெளிவோடும், தீர்வோடும் மாநாடு முற்றுபெறும்.

இது போன்றதொரு மாநாடோ, பட்டறையோ நான் இந்தியாவில் இருந்த வரை எந்தவொரு பல்கலையிலோ, புகழ் பெற்ற கல்வி நிறுவனங்களாளோ எடுத்து வைக்கப்பட்டதாய் நான் அறியவில்லை. ஆனால் அவ்வப்பொழுது கட்டிடக்கலை மாணவர்களும்/கல்வியாளர்களும் மட்டும் அரசாங்கத்தின் மீது குறை சொல்லும் வழக்கம் இருந்து வருகிறது. அவ்வளவு ஏன்? அண்ணா பல்கலையின் கட்டிடக்கலை மற்றும் நகரவடிவப்பு பள்ளியின் தலைவராக இருந்த, வெளிநாட்டில் படித்த இந்திய/தமிழக அரசாங்கத்தின் அனைத்து தொடர்புகளும் கொண்ட பேராசிரியர் ஹாரிஸ் அவர்களாலேயே ஒன்றும் செய்ய இயலாமல் போனது தான் வேதனையான விடயம். இந்திய அளவில் நடக்கும் NASA(National Association for Students of Architecture)விலும் சரி தென்கிழக்கில் நடக்கும் ZONASAவிலும் சரி மாணவர்களுக்கான உப்புக்கு பெறாத போட்டிகளும், ஆட்டமும் பாட்டமும் தான் அரங்கேறும். வேறொன்றும் உருப்படியான விவாதமோ அல்லது நடப்பாண்டில் நாடு எதிர்கொள்ளவிருக்கின்ற பிரச்சினைகளுக்கான பட்டறையோ விவாதமோ நடைபெற்றதில்லை.். அடுத்தமுறை நான் இந்தியா செல்லும் பொழுது இதற்கான முயற்சிகளில் ஈடுபடும் எண்ணம் இருக்கிறது. பார்க்கலாம் எந்தவகையில் அது வெற்றிகரமாய் அமைகிறதென்று!!!

11/06/2006























மூவாயிரமாண்டு வரலாற்றை
அழித்து புதியதொரு
உலகத்தினைப் படைக்க
சிலுவைப்போரென்று கழிந்தான்
சாத்தானொருவன்

தனது புடுக்கறு்படுவது
தெரியாது மனிதவுரிமையை
நிலைநாட்ட நிகழ்த்தினான்
உலகளாவிய படுகொலையொன்றை!

தலைப்புச் செய்தியில்
சொன்னார்கள்
சதாமுக்கு தூக்குத்தண்டனையாம்
அடடா இவனையும்
போராளியாக்கி விட்டார்களே!

எது எப்படியோ
இனி அமேரிக்கக்காரனின்
கக்கூஸில் கூட
பாம்ப் ஸ்க்வாடு நிற்கும்

11/03/2006

தமிழ்மணம்-தேன்கூடு-இணையம்-அரசியல்

எப்படி தொடங்குவது என்று தெரியவில்லையெனினும், இது அனைவருக்கும் தெரிந்த அல்லது கதைக்க ஏற்ற நல்ல தலைப்பு என்றவகையில் எப்படியாவது ஒப்பேற்றிவிடுவேன் என்ற நம்பிக்கையில் எந்தவொரு "சமையலறைப்பகத்தின்" உதவியின்றி "கிழிஞ்சிது டவுசரு" என்று இன்னுமொரு முகமூடி (முகமூடியை அல்ல) வலைப்பூவில் என்னோட டவுசரை கழட்டிடாத வண்ணம் மிகுந்த எச்சரிக்கையுடனும், இன்று ஒரு நட்பு வட்டாரத்தின் புண்ணியத்தில் அடித்த "ஜிம் பீம்"ன் உதவியோடு எழுதுகிறேன் என்று என் சுய நினைவோடு ஒரு முன்னறிவிப்போடு இன்றைய இணையச்சார்பு (சார்ந்த) அரசியல் பதிவைத் தொடங்குகிறேன்.

தமிழ்மணம் கைமாறியதிலிருந்து ஏகப்பட்ட விமரிசனம், எதிர்வினைகள்...ஏன் விமரிசிக்கிறோம் என்று தெரியாமல் கூட ஒரு சல்லியடிப்பு நடந்து வருகிறது. அதில் பல எதிர்வினைகள் முக்காடிட்டு வந்து மூத்திரம் அடிப்பது போலவும் இருந்தது. இதில் என்னிடம் கூட சில வலைபதிவாளர்கள் (இணையத்தில்) தமிழ்மணம் ஒருபக்கச் சார்பாக நடந்து கொள்வதாக கதைத்துள்ளனர். தமிழ்மணம் என்பது வெறும் திரட்டி, அதில் கால நேரத்திற்கேற்றாற்போல் அளிக்கப்படும் வலைப்பதிவுகளை உள்வாங்கி முகப்பில் தெரியுமாறு செயல்படுகிறது. அதில் எப்படி ஒருபக்கச் சார்பாக நடந்து கொள்ள இயலும் என்று எனக்குத் தெரியவில்லை, யாராவது ஒருவர் ஒரு பட்டியலை வைத்துக் கொண்டு எப்பொழுதெல்லாம் இவர்கள் பதிவு போடுகிறார்கள் அல்லது இவர்களது வலைப்பதிவுகளில் எப்பொழுதெல்லாம் பின்னூட்டம் வருகிறதென்றறிந்து அவர்களுக்கு முன்னுரிமை அளிக்குமளவிற்கு வெட்டியாக தமிழ்மணத்தின் தற்போதைய நிர்வாகத்தில் இருப்பார்கள் என நான் நம்பவில்லை. குறிப்பாக சொல்லப் போனால் காசியின் தமிழ்மனத்தில் ஒரிரு "வயது முதிர்ந்த" வலை பதிவாளர்கள் பின்னூட்டத்திற்கென்றெல்லாம் கூட ஒரு வலைப்பூ வைத்திருந்தார்கள். அப்போதைய நிர்வாகத்திற்கு என்ன கெடுபிடியோ அதையெல்லாம் கூட திரட்டிக் கொண்டிருந்தார்கள். இவற்றையெல்லாம் வைத்துப் பார்க்கும் பொழுது தற்போதைய தமிழ்மணம் என்னை பொறுத்தவரை எந்தவொரு பக்கச் சார்புமின்றி தன் வேலையை சரிவரச் செய்கின்றது.

தேன்கூடுவின் பக்கச் சார்பும் அதன் கூட்டணியின் பின்புலமும் அனைவருக்கும் தெரிந்த ஒன்று. இதையெல்லாம் எழுதியோ கதைத்தோ யாரும் நேரவிரயம் செய்யவிரும்பவில்லை என்றாலும் "பார்டெண்டர்" அப்பட்டமாக தேன்கூட்டின் பக்கச்சார்பை இடித்துரைத்தது அனைவருக்கும் நினைவிருக்கும், அதுவும் பரிந்துரைக்கப்பட்ட நாட்டையும் எடுத்துப் போட்டதில் அவரவர் மண்டையும் காய்ந்துபோனது தான் மிச்சம்.ஆனால் என்னிடம் தமிழ்மணத்தின் பக்கச்சார்பை பற்றி உரையாடிய வலைபதியும் இணைய நண்பர்களின் கண்களில் தேன்கூட்டின் ஒருபக்கச்சார்பு தெரியாமல் போனது நகைப்பிற்குரியதாகத் தான் எனக்குத் தோன்றியது.

அதிலும் சமீப காலங்களில் அதாவது தமிழ்மணம் கைமாறுவதற்கு சற்று முன்பும் கைமாறிய பின்பும் பெயரின்றி அனாமதேயமாக பின்னூட்டி மிரட்டிவரும் சில மூளையற்ற, மனச்சிதைவு ஏற்பட்டு அதனால் என்ன எழுதுகிறோம் என்று தெரியாமலே பின்னூட்டமிட்டு வரும் வலைபதிவர்களின் எதிர்மறையான, அச்சுறுத்தும் வகையில் பரப்பிவரும் வதந்திகளையும் சில பதிவர்கள் வெளியிட்டு அவர்களின் ஒருபக்கச்சார்பை தெரிவித்துக் கொண்டனர். ஆனால் கொடுமை என்னவென்றால் இவர்தம்மை நடுநிலைவியாதியாய் வெளிப்படுத்திக் கொண்டு நுனலும் தன் வாயால் கெடும் என்பதைப் போல் அவர் எழுப்பிய கேள்வி அவருக்கே பொருந்தாத வண்ணம் மாட்டிக் கொண்டது தான். அவ்வாறான பதிவுகள் எவை என்பது சமீப காலங்களில் வலை பதிந்து வருபவருக்கும் தெரியுமென்பதால் அதைப் பற்றிக் குறிப்பிட வேண்டிய நிர்ப்பர்ந்தம் எனக்கில்லை.

அடுத்ததாக "பூங்கா" வலையிதழின் ஒருபக்கச்சார்பு. எந்தவொரு இதழாயிருந்தாலும் அதற்கென்று ஒரு ஆசிரியர் குழுவிருக்கும், அவர்களது எண்ணங்கள் அனைவரையும் திருப்திபடுத்த வேண்டுமென்ற அவசியமும் எந்தவொரு இதழுக்கும் ஏற்பட்டதுமில்லை, அதற்கு அவசியமும் இல்லை. மேலும் அவர்களது கருத்துக்கள் எவருக்கும் ஏற்பின்றி தனித்துவமாயும் இருக்கலாம், அதையெல்லாம் நீ ஏன் என்னை திருப்திபடுத்தும் வகையில் தொகுத்தளிக்கவில்லை என்று எவரும் கேள்வி எழுப்பவும் முடியாது.அப்படி கேள்வியெழுப்பினால் "சிறுபிள்ளைகளின் சில அறிவார்ந்த கேள்விகளுக்கு அது அப்படித்தான்" என்பதை போல் அறிவித்துவிட்டு சென்றுவிடலாம். ஒருவன் +வாக இருக்கலாம் அல்லது -வாக இருக்கலாம், இரண்டுக்குமிடையில் தான் இருப்பேன் அடம்பிடித்தால் அதற்கு எண்ணளவில் மதிப்பில்லை. அதுபோன்று தான் ஒருபக்கச்சார்பும். ஒருவனுக்கு ஒருகருத்தை சார்ந்த சார்பு தான் இருக்க முடியும், அது தவிர்த்து நான் நடுநிலைவியாதியாய் தான் இருப்பேன் என்றால் அதைக் கண்டு நகைக்கத்தான் முடியுமேயொழிய வேறொன்றும் செய்ய இயலாது.

கடைசியாக ஒரு விடயம். தமிழ்மணம் இந்திய இறையாண்மைக்கு எதிராகவும், புலிகளுக்கு ஆதாராகவும் செயல்படுகிறது அதனால் பதிவருக்கு அமெரிக்கக் காவல்துறையின் பிடி நிச்சயம் என்று பெயரின்றி கூறித்திரியும் பொறம்போக்கு, உருப்படியாக தன்வேலையை பார்த்தால் நலம் என்று சொல்லிக் கொள்கிறேன்.

10/31/2006

தொடர்வூர்தி பயனங்களும் அதன்கால் நினைவுகளும...

சிறுவயது பருவம் முதலே வெளியூர்ப் பயனம் என்றாலே மனம் குதூகலத்தில் துள்ளி மகிழும்.ஆனால் நான் பிறந்து தவழ்ந்து வளர்ந்தது எல்லமே வடதமிழ்நாடு மற்றும் புதுச்சேரியையொட்டிய இடங்களேயாதலால் தொடர்வூர்திப் பயனம் என்பது எனக்கு எட்டாக் கனியாயிற்று. அதற்கு காரணம் வணிகம் தொடங்கி சிற்றுலா வரை சென்னை தொடங்கி வேளாங்கன்னியோடுமான அளவுக்குமிஞ்சிய பேருந்து போக்குவரத்தும் குறைத்த பயனநேரங்களும்தாம். அது மட்டுமன்றி சென்னை - வேளாங்கன்னி கடற்கரையையொட்டி அமைந்துள்ளதால் எப்பொழுதும் தண்ணீரற்ற ஆனால் எப்பொழுது வேண்டுமானாலும் அபாய அளவையும் தாண்டக்கூடிய நீரோடைகளாலும்,ஆறுகளினாலும் கட்டவேண்டிய பாலங்களின் செலவும், பொருட்தேவையும் அரசாங்கத்தினால் கூட என்னுடைய தொடர்வூர்திப் பயனம் தடைபட்டது என்று கூறினாலும் வியப்பல்லவே. இதனால் பெரும்பாலான சுற்றுலாக்களும், தொலைதூரப் பயனங்களும் மகிழ்வுந்துகள், பேருந்துகளோடே முடங்கியது. அவ்வப்போது பொருட்காட்சிகளிலும், வன்டலூர், மைசூர் வனவிலங்கு சரணாலயங்களிலும், உதகமண்டலம் ஏரிக்கரையோரத்திலும் இயங்குகின்ற மின்சார தொடர்வூர்தியின் பயனம் ஒன்று தான் எனக்கு அதிகமாகப்பட்டது என்னுடைய பதினேழு வயதுவரை.

ஒருவழியாகப் பள்ளிக்கல்வி முற்றுபெற்றதும் தொழிற்கல்விக்கான விண்ணப்பங்களுக்காக எனது மைத்துனனுடன் சென்னைக்குச் சென்றதும், தாம்பரத்தில் இறங்கி கிண்டி வரை மின் தொடர்வூர்தியில் பயனஞ்செய்தது தான் என்னுடைய நவீனவாழ்வின் தொடர்வூர்தியின் பயனத்தின் தொடக்கம். அந்தப் பயனம் சிறிது நாழிகையேயிருந்தாலும், வழியெங்கிலும் காணக்கிடைத்த குறுக்குச்சாலைகளும் ஆங்காங்கே எனக்காக வழிவிட்டு காத்திருந்த மக்களையும் பார்க்கையில் என்னுடைய முதல் தொடர்வூர்திப்பயனம் அவ்வளவு மகிழ்வானதல்லவே. அதே நேரம் அண்ணாமலைப் பல்கலைக்கழகத்தின் தொழிற்கல்விகளுக்கான விண்ணப்பப்படிவங்களுக்காக நெல்லிக்குப்பம் - அண்ணமலைநகர் பயனம் ஒருவகையில் மகிழ்ச்சியானதாகவும் இன்னொரு வகையில் அவமானமாகவும் இருந்தது...

என்னோடும், என் வயதையொத்த ஆனால் மற்ற பள்ளிகளில் படித்த மாணவர்களெல்லாம் ஓரளவு என்னை விட படிப்பிலும் பொருளாதாரத்திலும் சிறப்பாக இருந்ததினால் அவர்களுக்கு என்னை அவர்களுடனான செயல்பாடுகளில் ஒதுக்கியே வைத்திருந்தனர். இதனாலேயெ என்னுடைய ஒரே நண்பனாக "குட்டி" ஒருவனே இருந்தான். இவனும் வசதியான குடும்பத்தை சேர்ந்திருந்தாலும், நன்றாக படிப்பவனாயிருந்தாலும் என் வீட்டையொட்டி இருந்ததினால் எங்கள் இருவருக்குமிடையேயான புரிந்துணர்வு நன்றாக இருந்தது. மேலும் அவனும் நானும் சமகாலங்களில் ஒரே பள்ளி, ஒரே வகுப்பில் படித்ததினாலும் அந்த புரிந்துணர்வு ஏற்பட்டிருக்கலாம் அல்லது அவனும் என்னைப் போன்றே மற்ற நண்பர்களால் ஒதுக்கி வைக்கப்பட்டிருந்ததால் எங்கள் கூட்டணி அமைந்திருக்கலாம்...

ஆக பிறரது கல்வி மற்றும் எதிர்காலத்திட்டங்கள் குறித்த கலந்துரையாடல்களில் நாங்கள் நிராகரிக்கப்பட்ட நிலையில் நாங்களிருவரும் ஒரு நன்னாளில் விண்ணப்பபடிவம் வாங்கலாம் என்று முடிவு செய்து தொடர்வூர்திப் பயனமே வசதியானதாக இருக்கும் என ஒருமனதாக தீர்மானமியற்றினோம். அதிலும் காலை 5:50 வண்டியை தவிர்த்து 6:30 வண்டியில் சென்றால் இரண்டு தொடர்வூர்தியில் பயனம் செய்யலாம் அதுவும் ஒரு பயனத்திற்கான பணத்தில் இரண்டு வண்டியில் பயனம் என்று அதிமேதாவித்தனமாக திட்டமிடப்பட்டது. குட்டியின் அப்ப மெத்தப் படித்தவர் சிறிது கண்டிப்பானவரும் கூட. அதனால் என்னுடைய அப்பாவிற்கு "குட்டி"யின் மேல் அளவு கடந்த மதிப்பு. ஆகையினால் குட்டி பெயரை சொல்லி நான் செய்த லீலைகள் ஏராளம்...

அன்று காலை குட்டியின் அப்பவும், என்னுடைய அப்பவும் எங்களை வாழ்த்தி வழியனுப்பி வைத்தனர். எனக்கோ ஒரு இடத்தில் இருப்பு கொள்ள இயலாது அங்கும் இங்கும் நடந்து கொண்டிருந்தேன். இடையே நாண்கைந்து பட்டையப்படிப்பு படிக்கும் மாணவர்கள் வந்து என்னை உள்ளே சென்று அமருமாறு அறிவுறுத்திவிட்டு லாவகமாக படியில் நின்று புகை பிடிக்க ஆரம்பித்தனர். இன்னும் ஒருசிலர் நம்முடைய மூதாதையரை நினைவூட்டும் பொருட்டு "ஜன்னல்" வழியாக தேரையைப் போல் தாவி பெண்கள் பயனஞ்செய்யும் பெட்டியை நோக்கி சாகசம் புரிந்து கொண்டிருந்தனர்...

இப்பொழுது வண்டி கடலூர் திருப்பாதிரிப்புலியூரை நெருங்கிக் கொண்டிருந்தது. புகை பிடித்தவர்களும், தாவிக் கொண்டிருந்தவர்களும் பச்சைக் குழந்தையைப் போன்று அவரவர் இருக்கையில் அமைதியாக அமர்ந்தனர். அங்கே இன்னுமொரு கூட்டமேற கூடவே இரண்டு பரிசோதகர்களும் பெண்களுக்கான பெட்டியில் ஏறி அமர்ந்தனர். தொடர்வூர்தி கடலூர் பழையநகரை நெருங்கிக் கொண்டிருந்தது. அண்ணமலைநகர் செல்பவர்கல் இங்கே இறங்கி இன்னுமொரு ஊர்த்திக்கு மாற வேண்டும். வண்டியின் வேகம் குறைந்த நிலயில் எங்களொடு அமர்ந்திருந்த மாணவர்களும் பணியாளர்களும் வண்டியிலிருந்து குதித்துக் கொண்டிருந்தனர். நான் எனக்கருகில் அமர்ந்திருந்தவரைப் பார்க்க அவரும் புரிந்தவராஇ, "வண்டி நின்றபின் இறன்க்கினால் அந்த வண்டியில் இடம் கிடைக்காது" என்று கூறி அவரும் குதித்து விட்டார். சரியென்று நான் குட்டியை பார்க்க குட்டி என்னை முதலில் குதிக்கும்படி கூற நான் பின்னோக்கி குதித்து சிறிதளவு தடுமாறி விழுந்து எழுந்தேன். எனக்கு முன்னால் இப்பொழுது குட்டி குதிக்க அவன் முன்னே இரு "மத்திய காவலர்கள்". அவன் எழுந்தவுடன் பளீரென்று ஒரு அரை...அதைப் பார்த்து நான் ஓட முயற்சிக்க இன்னுமொரு காவலன் என் பிடறியை பிடித்து தரதரவென்று இழுத்துச் சென்றா
ன. அங்கே கண்கள் கலங்கிய நிலையில் "குட்டி" நிற்க, என் முறை இப்பொழுது. நச்சென்று நடு மண்டையில் ஒரு கொட்டு. இன்னுமொரு காவலன் வந்து பளீரென்று ஒரு அரை விட்டான்.பின்னர் தான் தெரிந்தது, ஓடிய நாதாரிகள் எதுவும் முறையான பயனச்சீட்டு இல்லாததும் நாங்களும் அதைப் போன்றே இருந்திருப்போம் என்று அடித்து விட்டதாக கூறினான். அது மட்டுமல்லாமல் ஆளுக்கு பத்து நிமிடம் அறிவுரை வேறு...

இந்த அவமானத்தை மறக்க வேண்டுமென்றால் எங்காவது சற்று இளைப்பாற வேண்டுமென முடிவு செய்துவிட்டு இன்னுமொரு தொடர்வூர்தியில் பயனத்தை தொடரும் பொருட்டு இருக்கையில் அமர்ந்தோம். எங்கள் போதாத நேரம் கடலூர் பழைய நகரைச் சேர்ந்த அருணும், முத்துவும் அனைத்து கூத்தையும் பார்த்துவிட்டு நக்கலாக சிரித்துக் கொண்டே எங்களுக்கு அருகில் அமர்ந்தனர். அவர்களிடம் அவர்கள் பார்த்ததை யாரிடமும் செல்ல வேண்டாம் என்று கூறிவிட்டு வாய்க்கு வந்தபடி அந்தவிரு காவலர்களையும் கறுவினோம்.

அது மட்டுமன்றி பல தலைவர்கள் தொடங்கி பரங்கித்தலையன் பிரேமானந்தா வரை வாசம் செய்த/செய்கின்ற கடலூர் நடுவன் சிறைச்சாலை அமைந்திருக்கின்ற கேப்பர்மலை என்கிற புண்ணிய பூமியையும் அறிமுகப்படுத்தியது இந்த தொடர்வூர்திப் பயனம் தான். கேப்பர்மலையின் மணற்குன்றுகள் பல செல்வங்களைக் கொண்டது. இங்கு கிடைக்கும் நிலத்தடி நீர் அலாதி சுவையானது. அத்தோடுகூட இங்கு பல வகையான கீரை வகைகள் இயற்கையிலேயே கிடைக்கும். பயனத்தினூடே அங்கு படர்ந்துவிரிந்து கிடக்கும் வல்லாரைக் கீரைச்செடிகள் கண்ணுக்கு குளிர்ச்சியூட்டும். நான் முன்னரே கூறியபடி கடலூர் - சிதம்பரம் வரையிலானத் தடம் பல ஓடைகளையும் கடக்கவேண்டியிருக்கிறபடியால் ஆங்காங்கே பச்சைப் பசேலென்ற கோரைகளும் பஞ்சைப் போன்று வெண்மையாக பூத்துக் குலுங்குகின்ற ஆனால் வன்மையான காற்றின் வேகம் தாங்கமுடியாது தன்தலை நாணுகின்ற நாணல்களும், அதன் நிழலில் நீந்துகின்ற வாத்துகளின் கூட்டமும் ஒரு அழகான பயனத்தின் அனுபவமாயிருந்தது.ஆனால் பின்னாளில் கிள்ளைக்கு அருகேயிருக்கும் ஒரு ஓடையில் நாவரசுவின் கையை ஜான்டேவிட் வீசுவான் என்று நான் எண்ணியிருக்கவில்லை...

அருணும், முத்துவும் அன்று மதியம் சிதம்பரம் மாரியப்பாவில் படம் பார்க்க போவதாகவும் எங்களுடைய திட்டமென்ன என்பதையும் கேட்க, எங்களது மனநிலை சரியில்லையெனவும் நாங்கள் பிச்சாவரம் செல்லப்போவதாகவும், மதியம் அவர்களுக்கு நாங்கள் அனுமதி சீட்டுப் பெறுவதெனவும், அவர்கள் எங்களுக்காக விண்ணப்பப்படிவங்கள் வாங்க வேண்டுமெனவும் தீர்மாணிக்கப்பட்டது. அன்று நானும், குட்டியும் பிச்சாவரத்தின் சதுப்புநிலக் காடுகளை ரசித்ததும் அருணுக்கும், முத்துவுக்கும் மதியம் அனுமதிச்சீட்டிற்கான பணத்தைக் கொடுத்து படம் பார்க்காமல் 2:50 வண்டியைப் பிடித்து வீடு வந்து சேர்ந்தோம்...

அடுத்த பயனம் சென்னையிலிருந்து..."ஒரு மலைக்குன்றும் ஐந்து ஆடுகளும்
"

10/19/2006

திராவிட மாயை விலகட்டும்!

இந்தியாவை வெள்ளைக்காரர்கள் ஆண்ட காலத்தில் சென்னை மாகாணம் என்பது தமிழர்கள், மலையாளிகள், ஆந்திரர்கள் மற்றும் கன்னடம் பேசுபவர்கள் எல்லோரும் சேர்ந்த ஒரு மாகாணமாக இருந்தது. அதனால் அப்போது திராவிடர்கள், திராவிட மொழிக் கலாச்சாரம், திராவிட நாடு என்று எண்ணியதும் எழுதியதும் பேசி வந்ததும் ஓரளவுக்குப் பொருத்தமானதாகும். ஆனால் சுதந்திரம் அடைந்தபிறகு மலையாளிகள் தங்களுக்கு என்று கேரள மாநிலமும், தெலுங்கர்கள் தங்களுக்கு என்று ஆந்திர மாநிலமும், கன்னடியர்கள் தங்களுக்கு என்று கர்நாடக மாநிலமும் பெற்றுத் தனித்தனியே பிரிந்து வாழத் தொடங்கிய பிறகு இந்தத் திராவிட உணர்வு தமிழர்களைத் தவிரப் பிற மலையாளிகள், கன்னடியர்கள், தெலுங்கர்கள் ஆகியவர்களிடம் வெகுவாகக் குறைந்து விட்டது. இதற்கு மூல காரணம் அவர்கள் எல்லோரும் தனித்தனி மாநிலங்களைப் பெற்றது மட்டுமல்ல, மொழி, பண்பாடு முதலியவை ரீதியாகவும் அவர்கள் திராவிடப் பண்பை வெகுவாக இழந்து விட்டனர். அதோடு தமிழர்களை அன்னியர்களாகவும் எண்ணிச் செயல்படத் தொடங்கிவிட்டனர்.வரலாற்று ரீதியாகப் பார்த்தால் தமிழர்களுக்கு உள்ளது போன்ற திராவிட மொழியுணர்வு, திராவிடக் கலாச்சாரப் பற்று பிற திராவிட மொழியினருக்கு அவ்வளவாகக் கிடையாது. இதற்கு முக்கிய காரணம் காலப்போக்கில் வடமொழிக் கலப்பாலும் வடமொழியாளர் ஆதிக்கத்தாலும் திராவிடக் கலாச்சாரத்தின் தாக்கம் அவர்களிடம் குறைந்து கொண்டே வரலாயிற்று. உதாரணமாக மொழிரீதியாகப் பார்த்தால் தமிழ் நீங்கலாக உள்ள மலையாளம் முதலிய பிற திராவிட மொழிகள் எல்லாம் தங்களது எழுத்துக்களையும் எழுத்து வரிகளையும் வடமொழியினைப் பின்பற்றி அமைத்துக் கொண்டன. அதனாலேயே திராவிட மொழிக்குச் சிறப்பாக உள்ள ற, ழ ஆகிய எழுத்துக்கள் மலையாளம் தவிர்த்த பிற திராவிட மொழிகளில் தற்போது இல்லை. மலையாளத்திலும் தந்நகரத்திற்கும் நின்னகரத்திற்கும் தனித்தனி எழுத்துக்கள் கிடையாது. சொல்லளவிலும் வடமொழிக் கலப்பும் அவற்றில் மிகமிக அதிகமாக உள்ளன. மேலும் அவற்றின் பழைய இலக்கியங்கள் எல்லாம் இராமாயணம், பாரதம் போன்ற வடமொழி இலக்கியங் களின் மொழிபெயர்ப்புக்களாகவே இருக்கும். அதுமட்டுமல்ல, அவற்றின் இலக்கணங்களைக் கூட வடமொழியிலே எழுதும் மரபும் அங்கே தோன்றிவிட்டது. இதனால்தான் கால்டுவெல் போன்ற திராவிட மொழியாராய்ச்சியாளர்கள் நூற்றாண்டுகளுக்கு முன்பே தமிழ் ஒன்றைத் தவிரப் பிற திராவிட மொழிகளால் வடமொழியின் துணையின்றி வாழ முடியாது என்று உறுதியாகக் கூறிச் சென்றுள்ளனர். இன்றைக்கும் வடமொழிக்கும், வடமொழியிலக்கியத்துக்கும் வடமொழியாளர்களுக்கும் தமிழ்நாடு நீங்களான பிற தென்னக மாநிலங்களில் கண்மூடித்தனமான போற்றுதல் உள்ளது. அங்கு, முன்பு போலவே வடமொழி ஒரு தேவ மொழி, வடமொழியிலிருந்துதான் எல்லா மொழிகளும் தோன்றின, வடமொழியாளர்கள் கடவுளுக்குச் சமமானவர்கள் என்ற எண்ணம் வேறூன்றி உள்ளது. அந்த மாநிலங்களில் உள்ள பெரும்பாலான பல்கலைக்கழகங்களில் வடமொழிக்கென்று தனித்துறைகள் இல்லாமல் இருப்பது மிகவும் அரிது.

இவ்வாறு கலாச்சார ரீதியாகவும் அரசியல் ரீதியாகவும் தனித்தனியாகப் பிரிந்த பிறகு கேரளம் முதலிய பிற மாநிலத்தவர்கள் காலப்போக்கில் தமிழர்களை அன்னியர்களாகவும் இன்னும் சொல்லப்போனால் விரோதிகளாகவும் பார்க்கக் கூடிய மனப்பான்மையும் வளர்ந்துவிட்டது. இந்தப் போக்கை, காலஞ்சென்ற பேராசிரியர் வையாபுரிப்பிள்ளை வள்ளல் அழகப்பச் செட்டியாரின் நிதியுதவியால் இயங்கிய அன்றைய திருவாங்கூர்ப் பல்கலைக்கழகத்தில் 1951-54 இல் தமிழப் பேராசிரியராக இருந்தபோது கண்டு மிகமிக வருத்தப்பட்டுப் பேசியுள்ளார். இன்றைக்கும் தமிழ்நாட்டில் ஆந்திரர் முதலிய திராவிட மொழியாளர்கள் உள்ள அளவுக்கு கேரளம் முதலிய தென்னிந்திய மாநிலங்களில் தமிழர்கள் அதிகமாகவும் வளமாகவும் இல்லை.கோவை, பொள்ளாச்சி ஆகிய நகரங்களிலும் அவற்றை ஒட்டிய பிற நகரங்களிலும் இருந்து ஒவ்வொரு மாதத்தின் தொடக்கத்திலும் கேரளாவுக்குச் செல்லும் மணியார்டர் பணம் பல கோடியைத் தாண்டும் என்று பொள்ளாச்சித் தொழிலதிபர் நா.மகாலிங்கம் அவர்கள் அடிக்கடி சொல்வார்கள். இன்றைக்கும் தமிழ்நாட்டிலிருந்து அரிசி, காய்கறிகள், பருப்பு வகைகள் முதலிய விவசாய விளைபொருள்களும் நெய்வேலி நிலக்கரிச் சுரங்கத்திலிருந்து பிற மாநிலங்களுக்குச் செல்லும் மின்சாரமும் பல கோடி ரூபாய்களைத் தாண்டும். இன்று சென்னை நகரில் மட்டும் 40% க்கு மேல் ஆந்திரர்கள் உள்ளதாக ஆந்திர மகாசமாஜத்தினர்களே கூறிவருகின்றனர்.தமிழ்நாட்டிலிருந்து இவ்வளவு இலாபம் பெற்றும் கேரளம் போன்ற தென்னாட்டு மாநிலங்கள் தமிழ்நாட்டுக்கு நியாயமாகக் கிடைக்கக்கூடிய தண்ணீர் போன்றவற்றைத் தர மனமில்லாதது மட்டுமல்ல, உச்சநீதிமன்றத்தின் ஆணையையே துச்சமாக நினைத்து தூர எறிந்து கொண்டு வருகின்றன.
தமிழ்நாட்டில் உள்ள பல்கலைக்கழகங்களில் உள்ள மொழியியல் துறைகளில் மலையாளம், கன்னடம், தெலுங்கு ஆகியவை கட்டாயப் பாடமாக்கப்பட்டுள்ளன. ஆனால் கேரளம், கர்நாடகம், ஆந்திரம் ஆகியவற்றில் உள்ள மொழியியல் துறைகளில் தமிழைக் கற்பிக்க ஏற்பாடு கிடையாது. இன்னும் சொல்லப்போனால் தமிழ்நாட்டில் உள்ள ஒரு பல்கலைக்கழகத்தில் விதிக்கு மாறாக கன்னடப் பேராசிரியர் மொழியியல் துறைத் தலைவராக நியமிக்கப்பட்டுள்ளார். இந்த நேரத்தில் இருபதாம் நூற்றாண்டின் முன்பாதியில் சென்னைப் பல்கலைக்கழகத்தில் நிகழ்ந்த ஒரு துக்ககரமான நிகழ்ச்சி நினைவு கூரத்தக்கது.
இருபதாம் நூற்றாண்டின் தொடக்கத்தில் அன்றைய சென்னைப் பல்கலைக்கழகத்தில் திராவிட மொழியாராய்ச்சி துவங்கப்பட்டு தமிழ் முதலிய திராவிட மொழிகளுக்குப் பேராசிரியர்கள் நியமிக்கப்பட்டனர். அப்போது மலையாளப் பேராசிரியராக இராமலிங்கம் பிள்ளை என்பவர் நியமிக்கப்பட்டார். இவர் நியமனம் பற்றிய அறிவிப்பு பல்கலைக்கழக ஆட்சிக் குழுவின் ஒப்புதலுக்காக வந்தது. அப்போது அதில் இருந்த மலையாளிகள் எல்லோரும் அவரது நியமனத்தை ஒட்டு மொத்தமாக எதிர்த்தார்கள் - காரணம், அவர் தமிழன் என்ற ஒரே காரணத்திற்காக. அவர் பிறப்பால் தமிழரே, ஆனால் பிறந்தது, படித்தது, வளர்ந்தது எல்லாம் திருவனந்தபுரத்தில்தான். அவர் மலையாளத்தில் பல நூல்கள் எழுதி சொந்தமாக மலையாள அச்சகம் வைத்து வெளி யிட்டார். மலையாளத்தில் பல அகராதிகள் தயாரித்துத் தாமே வெளியிட்டவர். அவரது மலையாள மொழிப் புலமை காரணமாக மலையாள மொழிபெயர்ப்பாளராக அரசாங்கத்தால் நியமிக்கப்பட்டு 80 ஆண்டுகளுக்கு மேலாக வாழ்ந்தவர். இத்தனைச் சிறப்பு வாய்ந்த ஒரு மலையாள அறிஞரை அவர் தமிழன் என்பதற்காக அன்று அவரது பேராசிரியர் பதவியை மலையாளிகள் பறித்தார்கள். இதுமட்டுமல்ல, மலையாள மொழிக்கு அரும்பெரும் தொண்டாற்றிய மூன்று பெருமக்களில் உள்ளூர் பரமேஸ்வர அய்யர் ஒருவர். பொதுவாக இவரது மலையாளத் தொண்டுக்காக மதிப்பும் மரியாதையும் இருந்தாலும் அவர் தமிழன் என்ற காரணத்திற்காக அவரது சிறப்பைக் குறைத்துப் பேசிடும் மலையாளிகளும் உண்டு.
வெள்ளைக்காரர்கள் காலத்தில் இந்திய அரசாங்கத்தின் கல்வெட்டுத் துறையின் தென்னகக் கிளை ஒன்று தமிழ்நாட்டில் உள்ள உதகமண்டலத்தில் இருந்தது. அதற்கு கர்நாடகத்தைச் சேர்ந்தவர் காலப்போக்கில் அதிகாரியாக வந்தார். அவ்வளவுதான், சந்தடி செய்யாமல் தனது சொந்த மாநிலத்தில் உள்ள மைசூருக்குக் கல்வெட்டுத் துறையைத் தூக்கிக் கொண்டு போய் வைத்துவிட்டார். இதேபோல கர்நாடகத்தைச் சேர்ந்த பொம்மை என்பவர் டில்லியில் இந்தியாவின் கல்வி மந்திரியாக சிறிது காலமே இருந்தார். அவர் இருந்த சிறிது காலத்திற்குள்ளேயே சென்னையில் இருந்த இந்திய வரலாற்று ஆராய்ச்சி நிறுவனத்தை பெங்களூருக்குக் கடத்திக் கொண்டு போனார். அதுமட்டுமா? அதோடு தன் மாநிலத்துக்காரராகிய அனந்தமூர்த்தியை சாகித்ய அக்காடமியின் தலைவராக்க உதவினார். அனந்த மூர்த்தி பங்கிற்கு சுமார் கால்நூற்றாண்டு காலமாக சென்னையில் இருந்து வந்த சாகித்ய அக்காடமியின் தென்னிந்தியக் கிளையை தனது சொந்த மாநிலத்தின் தலைநகரான பெங்களூருக்குப் புரட்டிக் கொண்டு போய்விட்டார். 50 ஆண்டுகளுக்கு மேலாகியும் இதுவரை ஒரு தமிழன் சாகித்ய அக்காடமியின் தென்னிந்தியப் பிரிவுக்குச் செயலராக வரவில்லை. ஆனால் மலையாளி முதலிய பிற செயலாளராகியுள்ளனர்.
இதுபோன்ற அநியாயங்கள் எல்லாம் வெளியில் தெரிந்தவை. தெரியாமல் - நமது அண்டை மாநிலத்தவர்கள் எல்லாம் இன்னும் எந்தெந்த வகைகளில் எல்லாம் தமிழ்நாட்டுக்குக் கேடுகள் செய்து வருகின்றனரோ தெரியவில்லை.
மத்திய அரசு நிறுவனங்களில் பிறர் ஆதிக்கம்
தமிழ்நாட்டில் பல மத்திய அரசு நிறுவனங்கள் உள்ளன. அவற்றில் உயர்ந்த பதவிகளில் எல்லாம் பெரும்பாலும் பிற மாநிலத்தவர்கள்தான் இருப்பர். குறைந்த ஊதியம் உடைய சாதாரணப் பதவிகளில் தான் தமிழர்கள் இருப்பார்கள். நெய்வேலியில் நிலக்கரி நிறுவனம் ஆரம்பித்த தொடக்கத்தில் பெரும்பாலும் மலையாளிகளே அதிகமான அளவில் இருந்ததைப் பெரியார் தனது விடுதலைப் பத்திரிகையில் அப்பட்டமாக வெளியிட்டார்.
இப்பொழுதும் மத்திய அரசு தமிழ் நாட்டில் நிறுவனங்கள் ஏற்படுத்தினால் அதில் தமிழர்கள் சின்னஞ் சிறிய பதவிகளில்தான் இருப்பார்கள். காரில் போய் குளுகுளு அறையில் அமரும் பெரும் பதவிகளில் எல்லாம் பிற மாநிலத்தவர்கள்தான் இருப்பார்கள். இதைவிட வெட்கக் கேடு தமிழ்நாடு அரசின் தலைமைச் செயலாளர், காவல்துறையின் பெரும் தலைவர், சென்னை மாநகரக் காவல்துறை ஆனையாளர் ஆகிய எல்லோரும் தமிழர் அல்லாதவர்களே. இன்னும் இது போன்ற பாதகச் செயல்கள் எவ்வளவோ உண்டு. விரிப்பின் பெருகும்.
தமிழர்கள் பல ஆண்டுகளாகப் போராடித்தான் தமிழுக்குச் செம்மொழித் தகுதியைப் பெற்றார்கள். ஆனால் தற்போது எந்தவித முயற்சியும் போராட்டமும் செய்யாமல் பொறாமை காரணமாகக் கர்நாடகத்தவர் கன்னட மொழிக்கும் செம்மொழித் தகுதி வேண்டும் என்று கூப்பாடு போடத் தொடங்கிவிட்டார்கள். இதற்கேற்ப தமிழுக்குச் செம்மொழித் தகுதி கொடுக்கலாம் என்று சிபாரிசு செய்த அதே இந்திய மொழிகள் நிறுவனத்தலைவர் கன்னட மொழியும் 1800 ஆண்டுகளுக்கு மேல் பழைமை உடையதால் கன்னட மொழிக்கும் செம்மொழித் தகுதி தரலாம் என்று எழுதியுள்ளாராம். ஆக சாணிச் சட்டியும் சருவச் சட்டியும் ஒன்றாகக் கருதப்படுகின்றன.


முனைவர் அ.காமாட்சிநாதன்,
மொழியியல் துறை முன்னாள் இயக்குநர்,
அண்ணாமலைப் பல்கலைக் கழகம்.

நன்றி:தென்செய்தி

10/14/2006

நகரங்களும் அதன்கால் நினைவுகளும்


...அங்கிருந்து தொடங்கி கிழக்கை நோக்கி மூன்று நாட்களுக்கு பயனித்தால் நீ "தியோமிரா"வை அடையலாம். தியோமிரா மாநகரம் வெள்ளி முலாம் வேய்ந்த அறுபது கோபுரங்களையும், வெண்கலத்தினால் செய்யப்பட்ட கடவுள்களின் சிலைகளையும், காரீயத்தால் பணிக்கப்பட்ட சாலைகளையும், படிகத்தினால் செதுக்கப்பட்ட நாட்டிய அரங்கத்தையும், தினம் காலையில் அனைவருக்கும் விடியலைக் கூவி அறிவிக்கும் பொன்னிற சேவல் வசிக்கும் கோபுரத்தையும் கொண்டது. இவ்வளவு பரிச்சயமான அழகான காட்சிகளையுடைய நகரவமைப்பை நீ வேறு எந்தவொரு நகரத்திலும் கண்டிருக்கலாம். ஆனால் இந்நகரத்தின் சிறப்பம்சமே குறை பகல் பொழுதினையுடைய "செப்தம்பர்" மாதத்தின் மாலைப்பொழுதில் பலவண்ண விளக்குகளால் மின்னும் சிற்றுண்டிச்சாலைகளும், சாளரத்தின் வழியே வெட்கத்தினால் முகத்தினை மறைத்து வெறுங்குரலை மட்டுமே தூதுவனுப்பும் "ஓ"வென அலறும் பெண்டிரும்!, இவை ஏற்கனவே அனுபவித்ததாக ஏற்படும் உணர்வும் அதன்கால் அப்பொழுது ஒருவனுக்கு ஏற்பட்ட களிப்பும் நிச்சயமாக அவனுக்கு பொறாமையாயிருக்கும்...

- Italo Calvino
Invisible Cities

10/03/2006

THE INCONVENIENT TRUTH

//என்னவேனா எதுவேனா எப்படிவேனா யார் வேணாலும் பேசுறது தான் கருத்து சொதந்திரமா? //

ஆமாம். அது தான் கருத்து சுதந்திரம்.




//ஆனால் ஜாதி வெறி பிடித்து அலையும் ப ம க வுக்கு நீங்கள் ஏன் கொடி தூக்குகிறீர்கள்?//

ஓரே ஜாதி. அதனால் தான்.

படமெடுத்த "அல்-கோர்"-ஏ குழம்பிடும் வகையில் நம்ம மயிர் புடுங்கி(எந்த ஒரு சின்ன விசயத்துக்கும் தலைய பிச்சிகினு தமாசா எழுத முயற்சி பண்றதால), தீஞ்ச மூஞ்சி (அதனால தான் "மூஞ்சிமூடி"க்கினு இருக்கறார்) ஒரு தகவலை சொன்னாராம். என்னா மேட்டர்னா...என்ன தான் ஆராய்ச்சி பண்ணி "அல்-கோர்" படம் எடுத்திருந்தாலும் மெயின் மேட்டரான லேபர் பார்ட்டியின் மரம் வெட்டி அட்டூழியத்த படத்துல சொல்லலியாமா...தெரிச்சி போன அல்-கோர், அது எந்த பார்ட்டின்ங்கன்னு "மூஞ்சிமூடி" கிட்ட கேட்க, நம்ம "மூஞ்சிமூடி" சொன்னராம் இது தமிழ்நாட்ட சேர்ந்த "பாட்டாளி மக்கள் கட்சி"ன்னு.

இது சம்மந்தமா "THE INCONVENIENT TRUTH" க்கான விமரிசனத்தையும், ஆதாரங்களையும் அல்-கோர்க்காக வேண்டி, மூஞ்சிமூடி தமிழ்ல ஒரு ஆராய்ச்சிக் கட்டுரையும் எழுதிக்கினு இருக்கறாராமா.

9/29/2006

கட்டிப்புடி வைத்தியம்

நானும் நேற்று ஒரு செய்தியை படித்தேன். அது கொசப்பேட்டையாரின் பதிவுக்கு நேர்மாறானது. இதையும் படியுங்க...படித்துவிட்டு திங்கட்கிழமை மதியம் சிட்னி "மார்டின் ப்ளேஸ்"க்கு வந்துடுங்க...

இங்க போனீங்கன்னா ஒலி/ஒளிப்பதிவையும் பார்க்கலாம்.

XXXX

அய்யாமாரே...அம்மாமாரே...ஏற்கனவே இருக்கிற இம்சைகள் போதாதென்று இன்னொறு இம்சையாக "ராதாராகவன்" என்ற பெயரில் மற்றுமொரு வலைப்பீ...மன்னிக்கவும்...வலைப்பூ.
"ங்" மக்கள் கொஞ்சம் சரிபார்த்து அந்த "பீ"யை தடை செய்தால் நன்றாயிருக்கும். இல்லையென்றால் கொஞ்சம் வக்கிரம் தான்...
இதுக்காக எவனாவது எம்மேல கோவப்பட்டு... போலிப்பதிவு... ஆபாசப்பதிவு போடனும்னு நெனச்சீங்கன்னா, தாராளமா போட்டுக்கலாம்...I am bloody single...I dont give a FUCK.

9/24/2006

இதைத்தான் எதிர்பார்த்தேன்!!!

It's BRONCOS vs STORMS



"New South Wales" or "Sydney" மக்களுக்கு சின்ன சந்தோசம் AFLல் "Sydney Swans" இறுதிப்போட்டிக்கு தகுதி பெற்றது. "Victoria" மக்களுக்கு அதில் ஆப்பு.ஆனால் அவர்கள் சந்தோசப்பட "NRL" ல் "Melbourne Storms" இறுதிப்போட்டிக்கு தகுதி பெற்றது. நம்ம "Brisbane Broncos"க்கு 6 வருடம் கழித்து "Premiership"தூக்குவதற்கான அருமையான வாய்ப்பு. "State of Origin"ல் நியூ சவுத் வேல்ஸ்க்கு வாயில் குச்சிமிட்டாயை வைத்த Maroon man "Lockeyer" மீண்டும் ஒரு முறை தனது திறனை நிரூபிப்பாரா?
we gonna witness an "eventful" Grand finale in recent times.

9/14/2006

yuk...I am disgusted!

8/24/2006

குறி அறு(ரி)ப்பு - அரசியல் - விளிம்பு நிலை

கடந்த வாரத்தில் பூனைக்கு மணி கட்டுவதாக நண்பர் லக்கி லுக்கின் லிவிங் ஸ்மைல் மீதான விமரிசனமும் அதைத் தொடர்ந்து எழுதப்பட்ட பல பதிவுகளும் பின்னூட்டங்களும் அவரவர் கருத்தை முன் வைத்தாலும் விடாது கருப்பு - ரோசாவசந்த் ஆகிய பதிவர்களின் சொற்போர் சில தன்னிலை விளக்கங்களையும் பல யோசிக்க வைக்கும் கருத்துகளையும் முன்வைத்திருந்தனர்.

இந்தியாவில் சுயமரியாதைக்கும் தற்பெருமைக்கும் வித்தியாசம் அறியாத அறியாமைக்கூட்டம் இருக்கும்வரை இது மாதிரியான கருத்துகள் ஏற்படுவதில் ஆச்சர்யம் இல்லை. இந்தியாவில் ஒரு ஆண் 30,35 வரை திருமணம் செய்ய விரும்பாமல் இருந்தால் அவனை குறியற்றவன் என்பதில் தொடங்கி அவனுக்கு "எயிட்ஸ்" என்பது வரையான கருத்துகளும் கிசுகிசுப்புகளும் ஏற்படுகின்ற வாய்ப்புள்ளது. இதுவே ஒரு பெண்ணுக்கு திருமணமாகாமல் இருந்தால் அவளை தேவடியா என்பதில் தொடங்கி ஒன்றுக்கும் உதவாத சாலையின் ஓரத்தில் ஓசி பீடிக்காக காத்திருக்கின்ற தெருபொறுக்கிகளும் தன் குறிஅரிப்பு தாங்காமல் நா கூசாமல் "வரியா" என்பது வரை கேட்பார்கள். இதுவே ஒரு இளம் விதவையாக இருந்து விட்டால் போதும் அவள் வேலை பார்க்கின்ற இடம் தொடங்கி குடியிருக்கும் வீடு வரை பார்க்கின்ற அனைத்து ஆண்களும் ஒரு நாள் படுப்பதற்காக அலையும் சமூகம் தான் "இந்திய" "தமிழக" சமூகம். மேலை நாடுகளிலும் இவை உள்ளது. ஆனால் அங்கெல்லாம் பாதிக்கப்படுகின்ற ஆணோ அல்லது பெண்ணோ வெளிப்படையாக எதிர் கொள்ள முடியும் ஆனால் இந்தியாவில் அது சாத்தியப்படுமாவென்று நாம் யோசிக்கக் கூட முடியாத நிலையில் இருக்கிறொம். என்னதான் பன்மொழிப் புலமை இருந்தாலும், மெத்தப் படித்திருந்தாலும் "கால் சென்டர்" பணியாட்களை விபச்சாரி என்று கட்டம் கட்டும் அளவிற்கு கீழ்த்தரமான சமூகம் நமது சமூகம். பாலியல் தொழிலாளர்களை விபச்சாரிகள் என்றழைக்கக் கூடாதெனவும் விபச்சாரம் என்பதையே அகராதியிலிருந்து எடுக்க வேன்டுமெனப் போராடி வரும் சமூகத்தினரும் இங்கே தான் இருக்கிறார்கள். அறியாமையினால் ஏற்படுகின்ற உடல் உபாதைகளையும், பால்வினை நோய்களையும் தவிர்க்கும் பொருட்டுதான் ஆணுறை போன்றவற்றை பயன்படுத்த அரசாங்கம் ஊக்குவிக்கின்றதேயொழிய அனைவரும் பாதுகாப்பான முறையில் குறி அரிப்பையும் இச்சையையும் தீர்த்துக் கொள்ள அல்ல என்பது இந்த படித்த முட்டாள்களின் மரமண்டைகளில் ஏறாதது வியப்பல்லவே.

உலகில் வேறெங்கும் இல்லாத அளவு நம்பிக்கை துரோகம் நடப்பது இந்தியாவில் மட்டுமே. குறி அரிப்பினால் என்றாவது தவறு செய்பவர்கள் தான் மேலை நாடுகளில் உண்டேயொழிய இந்தியாவைப் போன்று திருமாண பின்பும் விரையரிப்பு தாங்காமல் கள்ளக் காதலனோ, காதலியோ வைத்திருப்பவர்கள் மிகவும் குறைவு. இதனடிப்படையில் தான் நடிகைகளும் பெண்ணுரிமை பேசி வருகிறார்கள்.

கைக்கஞ்சு வாய்க்குப் பத்து சமாசாரம்...

இது போன்ற அனுபவங்கள் "விடாது கருப்பு" மட்டுமல்ல பலருக்கும் ஏற்படுகின்ற வாய்ப்புள்ளது. தனியாக வாழ முயல்கின்ற ஆண், பெண் என்கிற சமூகத்தினால்? அங்கீகரிக்கப்பட்ட பாலினத்துக்கே அதே சமூகத்தினால் ஏற்படுகின்ற துன்பங்களை எண்ணிப் பார்க்கும் பொழுது, பெற்றொர் தொடங்கி, உற்றார் உறவினர் சகோதரர் வரை அனைவராலும் ஏற்றுக்கொள்ள இயலாத ஒதுக்கப்பட்ட சமுகத்தைச் சார்ந்தவர்கள் பிச்சை எடுக்காமலோ இருன்ட தொழில் செய்யமலோ எப்படி வாழ முடியும். படிப்பறிவில்லமல், பொருளாதாரத்தில் நலிந்து அறியாமையினால் அல்லல் படுகின்ற ஆண் பெண் சமூகங்கள் இருக்கும் நிலையில் ஒருவர் நான் இவ்விரண்டிலும் சேராதவரின் சுய முன்னேற்றத்திற்கான வாய்ப்புகள் எந்தளவிற்கு உள்ளது இந்த இந்திய வல்லரசில்?!. இன்று பார்பனரின் சூழ்ச்சியால் தான் சாதிகளும் பிரிவினைகளும் ஏற்பட்டதென்று இடஒதுக்கீட்டுக்காக போராடுகின்ற நாம் கேவலம் பிறப்பினால் உள்ள ஒரு சிறுகுறையை காரணம் காட்டி ஒரு பாலினத்தையே ஒதுக்கி ஒதுக்கி வைக்கிறோமே. அது தவறில்லையா? அவர்கள் கைக்கஞ்சு வாய்க்குப்பத்து ஏன் கேட்கப் போகிறார்கள் அவர்களுக்கும் ஆண், பெண்ணைப் போன்று சமமாகப் பாவித்து தொழிற்கூடங்களிலோ அல்லது இன்ன பிற பணிகளிலோ வேலை கொடுத்தால்...

இந்தியாவில் நான் அறிந்த வரையில் எந்த ஒரு படிவத்திலும் பாலினம் என்று நிரப்பப்பட வேண்டிய இடத்தில் ஆண், பெண் என்றுதான் இருக்குமேயொழிய "பிறர்" என்று ஒரு கட்டம் இருப்பதாக நான் அறிந்ததில்லை. ஆக இதன் மூலம் இந்திய அரசினாலேயே அங்கீகரிக்கப் படாத நிலையில் தான் "திருநங்கைகள்" இருக்கிறார்கள். இங்கொன்றும் அங்கொன்றுமாக அரசியலில் அதிகாரம் தரக்கூடிய பதவிகளில் சில "திருநங்கைகள்" இருந்தாலும் அவருடைய பண, படை பலத்திற்கு ஈடு கொடுக்க முடியாத காரணத்தினால் தானேயொழிய அவரை ஒரு "திருநங்கை" என அங்கீகரித்து சமூகத்தினால் கொடுக்கப்பட்டப் பதவிகளில்லை.

இப்படிபட்ட ஒரு சமூகத்தில் படித்து வேலை பெறுவதென்பது ஒரு போராட்டம் தான். அந்த போராட்டத்தில் போராடி வெற்றிபெற்று தனக்கென்று ஒரு அங்கீகாரத்தை நிறுவ முயன்று அதில் ஓரளவு வெற்றியும் பெற்றிருக்கின்ற "லிவிங் ஸ்மைல்" கர்வம் கொள்வதில் தவறேதும் இல்லை. மேலும் அவருக்கான இந்த வெற்றி ஒரு ஆணோ அல்லது ஒரு பெண்ணோ பெற்றிருக்கின்ற வெற்றியைப் போன்றே சமமாகப் பாவிக்கலாம். உதாரணத்திற்கு அச்சு ஊடகங்களில் தம்முடைய படைப்புகள் வெளியாவதையொட்டிய கர்வம் வலைபதிவருக்கு வருவதைப் போன்ற கர்வம் தம்முடைய சுய முயற்சியினால் வெற்றி பெருகின்ற சமூகத்தினால் ஒடுக்கப்பட்ட ஒதுக்கப்பட்ட ஒரு பாலினத்தை சேர்ந்தவரும் கொள்ளலாம்.

8/18/2006

ஊர் மேயப் போறேன்...

ஒடம்பு ரொம்ப சூடாச்சு...அதான் ;)







நான் சுட்டது இவற்றிற்கு முன் சப்பையாய் இருப்பதால் நீங்கள் இங்கேயே சென்று பார்த்துக்கொள்ளவும்

8/17/2006

அரைவேக்காட்டுத் தலைகளுக்காக...

உலகத் தமிழர் பேரமைப்பு எப்பொழுது தொடங்கப்பட்டது, ஏன் தொடங்கபபட்டது அதனுடைய நோக்கம் என்ன? இவை பற்றியெல்லாம் சிறிது அறிந்திராமல் அல்லது அறிந்து கொள்ளக்கூட முயற்சி செய்யாமல் கிராமப்புறங்களில் உள்ள வேலையில்லா வாலிபர்களும் வயோதிகர்களும் ஊர் மரத்தடியில் உள்ள திண்ணையில் வெட்டியாகக் கதைத்து நேரவிரயம் செய்து கொண்டிருப்பதைப் போல மஞ்சுளா நவநீதன் என்பவர் திண்ணை இணையதளத்தில் உலகத் தமிழர் பேரமைப்பு - ஒற்றுமையா? பிரிவினையா என்று கேள்வி எழுப்பி இருக்கின்றார்.அவரைச் சொல்லிக் குற்றமில்லை.

சாதிகள் ஏன் இன்னமும் உள்ளது எவனோ ஒருவன் சொல்லிச் சென்றான் என்பதனால் இன்னமும் கண்மூடித் தனமாக பின்பற்றி வரும் நமக்கு ஒரு மொழி தான் இனத்தின்/நாகரீகத்தின் அடையாளம் என்பது ஏற்றுக் கொள்வதில் பிரச்சினை இருப்பதில் வியப்பேதும் இல்லை. அவர் தன்னை ஒரு மேதாவியாகத் தன்னை நினைத்துக் கொண்டு எழுப்பியிருக்கும் கேள்விகள்தாம் நகைப்பிற்குரியதேயொழிய உலகத்தமிழர் பேரமைப்பு(கூட்டமைப்பு)இன் நோக்கங்கள் நிச்சயமாக எதிர்காலத் தமிழ் மொழி/இனத்திற்கான வழிகாட்டியாக இருக்குமென்பதில் சிறிதொரு ஐயமும் இல்லை.

சேலம் மாநாட்டில் இயற்றப்பட்டத் தீர்மானங்கள்:

1. உலகத் தமிழ்க் குழந்தைகளின் கல்வி

உலகில் பல நாடுகளில் வாழும் தமிழர்களின் குழந்தைகள் தமிழ் மொழி, இசை, கலை, பண்பாடு ஆகியவற்றைக் கற்க, போதுமான வாய்ப்பு இன்மையால் தாய் மொழியான தமிழையும், நமது கலை, இசை போன்றவற்றையும், நமக்கே உரிய தனித்த பண்பாட்டினையும் அறிந்து கொள்ள முடியாமல் பிற மொழி, பிற பண்பாட்டுடன் வளர வேண்டிய, வேண்டாத சூழ்நிலை உருவாகியுள்ளது. இந்த அவல நிலையைப் போக்குவதற்கான திட்டங்களை வகுக்கவும், அதனைச் செயற்படுத்துவதற்குமான பொறுப்பினைத் தஞ்சைத் தமிழ்ப் பல்கலைக்கழகத்திற்கு அளிப்பதோடு அதற்குத் தேவையான நிதி ஆதாரங்களைத் தமிழக அரசும், இந்திய அரசும் அளிக்க முன்வரவேண்டுமென இம்மாநாடு வேண்டிக்கொள்கிறது.

2. பிறநாட்டுத் தமிழர் நிலை ஆராயக்குழு

மலேசியா, சிங்கப்பூர், அரபு நாடுகள் முதலிய பல நாடுகளுக்குப் பிழைப்புத் தேடிச் சென்ற தமிழர்கள் பல வகையான ஒடுக்குமுறைகளுக்கும், சுரண்டல்களுக்கும் ஆளாகி நலிகிறார்கள். இந்நாடுகளில் உள்ள இந்தியத் தூதரகங்கள் அவர்களுக்கு உதவ முன்வருவதில்லை. இவர்களின் இன்னல்களைப் போக்கும் பிரச்னைகளில் போதுமான அக்கறை காட்டுவதில்லை.மேற்கண்ட நாடுகளில் நிலவும் உண்மை விவரங்களை அறியாத நிலையில் ஏராளமான தமிழர்கள் பிழைப்புத் தேடி இந்நாடுகளுக்கு மேலும் மேலும் சென்று பல்வேறு தொல்லைகளுக்கு ஆளாகிறார்கள். வெளிநாடுகளில் வாழும் தமிழர்களின் நிலை குறித்து முழுமையாக ஆராய்ந்து இந்திய அரசுக்கு ஆலோசனை கூறத் தமிழக நாடாளுமன்ற உறுப்பினர்களைக் கொண்ட குழு ஒன்றை அனுப்ப வேண்டும் என இம்மாநாடு வற்புறுத்துகின்றது.

3. உலகத் தமிழாராய்ச்சி நிறுவனத்தை மேம்படுத்துக

சென்னை தரமணியில் உள்ள உலகத் தமிழாராய்ச்சி நிறுவனம் உலக அளவிலும், இந்திய அளவிலும் நடக்க வேண்டிய உயர்நிலைத் தமிழ் ஆய்வுப் பணிகளை மேற்கொள்ளும் நோக்கத்துடன் உருவாக்கப்பட்டது. ஆனால் அந்தப் பணி முழுமையாக நிறைவேறவில்லை. எனவே இந்நிறுவனத்தை உலகளவில் சிறந்த தமிழாராய்ச்சி நிறுவனமாக உயர்த்துவதற்குத் தேவையான நடவடிக்கைகளை மேற்கொள்ளுமாறு தமிழக அரசை இம்மாநாடு வேண்டிக் கொள்கிறது.

4. செம்மொழித் தமிழ் உயராய்வு மையம்

செம்மொழிப் பட்டியலில் தமிழ் மொழியையும் சேர்க்க வேண்டும் என்று நூறாண்டு காலத்திற்கும் மேலாக வற்புறுத்தி வந்த தமிழ் மக்களின் கோரிக்கையை ஏற்ற இந்திய அரசுக்கும் அதற்குக் காரணமான தமிழக அரசியல் கட்சித் தலைவர்கள், தமிழறிஞர்கள் ஆகியோருக்கும் இம்மாநாடு பாராட்டினையும் நன்றியையும் தெரிவித்துக் கொள்கிறது. அதே வேளையில் செம்மொழியின் கால அளவினை 1500 ஆண்டுகளாகக் குறைத்திருப்பதை மாற்றி 2000 ஆண்டுகளாக ஆக்க வேண்டும் என வலியுறுத்துகிறது. மேலும் பண்பாட்டுத் துறையில் இருந்து, கல்வித் துறைக்கு முழுமையாக மாற்றியமைக்க வேண்டும் என்று வலியுறுத்துகிறது.தமிழ்ச் செம்மொழி தொடர்பான பணிகளை, எந்த நிறுவனத்திடமும் ஒப்படைக்காமல், அதற்கென்று தனியாகச் செம்மொழித் தமிழ் உயராய்வு மையம் (Centre for Excellence of Classical Tamil) என்று தனியான நிறுவனத்தை நிறுவி அதற்குத் தேவையான நிதியுதவியை அளிக்க முன்வருமாறு இந்திய அரசை இம்மாநாடு வேண்டிக் கொள்கிறது. செம்மொழித் திட்டம் சென்னையைத் தலைமையிடமாகக் கொண்டு இயங்க வேண்டும் என்று வலியுறுத்துகிறது.

5. தமிழீழ விடுதலைப் போரை அங்கீகரிக்க வேண்டுதல்

இலங்கை இனப்பிரச்னையைப் பேச்சுவார்த்தை மூலம் தீர்வு காணவோ, போர் நிறுத்த உடன்பாட்டினைத் தொடர்ந்து கடைப்பிடிக்கவோ சிங்களப் பேரினவாத அரசு சிறிதளவு கூட விரும்பவில்லை என்பது வெளிப்படையாக தெரிந்துவிட்ட நிலையில் இந்திய அரசும், உலக நாடுகளும் தங்கள் நிலையினை மாற்றிக் கொள்ள வேண்டிய அவசியமும், அவசரமும் ஏற்பட்டுள்ளன.தமிழ்நாட்டு மக்களோடு தொப்புள் கொடி உறவு பூண்டு மொழி, இனம், பண்பாடு, பழக்க வழக்கங்கள் ஆகியவற்றால் மிக நெருக்கமாக இருக்கக்கூடிய தமிழீழ மக்களின் விடுதலைப் போராட்டத்தை அங்கீகரித்து அவர்களுக்குச் சகல உதவிகளைப் புரிய முன்வருமாறும், அவ்வாறே செய்யுமாறு உலக நாடுகளை வற்புறுத்துமாறும் இந்திய அரசை இம்மாநாடு வேண்டிக் கொள்கிறது.

6. ஈழத் தமிழ் ஏதிலியருக்கு உதவி

சிங்கள இனவெறியர்களின் திட்டமிட்ட இனப் படுகொலைத் தாக்குதல்களிலிருந்து உயிர் தப்பிப் பிழைக்கத் தமிழ்நாட்டை நோக்கி ஈழத்தமிழர்கள் ஏதிலிகளாக ஓடிவருகின்றனர். கடந்த 20 ஆண்டுகளுக்கு மேலாக இந்த நிலைமை தொடர்ந்து நீடித்து வருகிறது. தமிழ்நாட்டில் ஒரு இலட்சத்திற்கு மேற்பட்ட ஈழத்தமிழர்கள் ஏதிலிகளாக முகாம்களில் வாழ்ந்து வருகின்றனர். போதுமான உணவு, சுகாதார வசதிகள், உறைவிட வசதிகள் இல்லாமல் பெரும் துயரத்திற்கு ஆளாகி வருகின்றனர்.ஐ.நா. பேரவையில் துணை அமைப்பான ருசூழஊசு என்னும் அமைப்பு உலகின் பல்வேறு நாட்டு அகதிகளுக்கு எல்லா வகையிலும் உதவி புரிந்து சிறப்பாகத் தொண்டாற்றி வருகிறது. எனவே ஈழத் தமிழ் ஏதிலிகளை பராமரிக்கும் முழுப் பொறுப்பினையும் UNHCR வசம் ஒப்படைக்க வேண்டும் என இந்திய அரசை இம்மாநாடு வற்புறுத்துகிறது.

7. தாய்த்தமிழ் வழிப் பள்ளிகள்

தமிழ்நாட்டில் தமிழ் உணர்வாளர்களின் முயற்சியால் உருவாக்கப்பட்ட தாய்த் தமிழ் வழிப் பள்ளிகள் தமிழக அரசின் உதவியோ அங்கீகாரமோ இல்லாமல் தத்தளிக்கின்றன. இந்தப் பள்ளிகள் சிறப்பாகச் செயல்படவும் நவீன தொழில் நுட்ப ஆலோசனைகள் வழங்கவும் உலகத் தமிழர்கள் முன் வர வேண்டும் என இம்மாநாடு வேண்டிக் கொள்கிறது. வெளிநாடுகளில் உள்ள தமிழரமைப்புகள் தமிழ்நாட்டில் உள்ள தாய்த் தமிழ்ப் பள்ளிகளைத் தத்தெடுத்துக் கொண்டு உதவ முன்வருவதன் மூலம் தமிழ்வழிக் கல்வி வளர்ச்சிக்குத் துணை புரிய வேண்டுமென இம்மாநாடு வேண்டிக் கொள்கிறது.

8. ஈழத்தமிழ் நாடாளுமன்ற உறுப்பினர்களை அழைத்துப் பேசுக

இலங்கைக் குடியரசுத் தலைவர், அமைச்சர்கள் அடிக்கடி தில்லி வந்து இந்தியப் பிரதமரையும் மற்ற அமைச்சர்களையும் சந்தித்துத் தங்கள் நிலைப்பாட்டினைத் தெரிவித்து ஆதரவு திரட்ட அனுமதிக்கப்பட்டுள்ளனர். அதைப் போல இலங்கை நாடாளுமன்ற தமிழ் உறுப்பினர்கள் தில்லி வந்து இந்தியப் பிரதமரைச் சந்தித்து தங்கள் நிலைப்பாட்டினை எடுத்துக் கூற வாய்ப்பு அளிக்க வேண்டும் என இந்திய அரசை இம்மாநாடு வலியுறுத்துகிறது.

9. கடலடி ஆய்வை மேற்கொள்ளுக

பூம்புகாரில் கடலடி ஆய்வை மேற்கொண்ட கிரகாம் ஆன்காக் உலகின் தலை சிறந்த தாய் நாகரிகம் எனக் கருதத்தக்க ஒரு நகர நாகரிகம் கடலடியில் மூழ்கிக் கிடப்பதாகவும் அது 11,000 ஆண்டுகள் பழைமை கொண்டதாகவும் அறுதியிட்டுக் கூறினார். பல்வேறு காரணங்களால் அவரின் ஆய்வு தடைப்பட்டுள்ளது. இச்சூழலில் கிரகாம் ஆன்காக் அவர்களைக் கொண்டு பூம்புகாரிலும் மற்றுமுள்ள தமிழகக் கடற்கரை நகரங்களிலும் கடலடி ஆய்வை மேற்கொள்ள தமிழக அரசை இம்மாநாடு வற்புறுத்திக் கேட்டுக் கொள்கிறது.

10. பழந்தமிழ் எழுத்துக்கள்

தமிழகத்தில் கண்டுபிடிக்கப்பட்டு வரும் சங்க காலத்திற்குரிய தமிழ் எழுத்துக்கள் யாவும் அசோகனின் காலமான கி. மு. 258-க்கும் அஃதாவது கி. மு. 3-ஆம் நூற்றாண்டிற்குப் பிந்தியவை என்றும், அசோகனின் பிராமி எழுத்தைப் பின்பற்றி அமைக்கப்பட்டவை என்றும் ஒரு சில ஆய்வாளர்கள் கூறி வருகின்றனர். இந்நிலையில் அண்மைக்காலத்தில் தமிழகத்தில் கிடைக்கும் கல்வெட்டுகள் காலத்தால் முந்தையனவாக உள்ளதால் தமிழ் எழுத்துக்களைத் தமிழ் பிராமி எழுத்துக்கள் என அழைக்காமல் அவற்றைப் பழந்தமிழ் எழுத்துக்கள் என்று அழைக்க வேண்டும் என இம்மாநாடு தமிழ் ஆய்வாளர்களைக் கேட்டுக் கொள்கிறது.

நன்றி:

திண்ணை
தென்செய்தி

8/14/2006

புதியதொரு எழுச்சியில்...

தற்போது இலங்கையில் நடைபெற்றுவரும் நிகழ்வுகள் புதியதொரு வரலாறு எழுதப்படுவதற்கான முன்னுரையாகவே எமக்குத் தெரிகிறது. அதில் அமையப் போகவிருக்கும் உலகின் முதல் தமிழ் தேசத்தை அங்கீகரிக்க வேண்டிய நிலையை சிங்களப் பேரினவாத அரசு உலகநாடுகளின் மத்தியில் ஏற்படுத்தியுள்ளது. தற்போது ஈழத்தில் நடைபெற்றுவரும் நான்காம் விடுதலைப் போரில் தமிழீழப்புலிகள் பெரியதொரு வெற்றியின் அருகாமையில் இருப்பதாகவேத் தெரிகிறது.

தற்போதுள்ள சூழ்நிலையில் யாழ் தீபகர்பத்தை ஆக்கிரமித்து வந்த சிங்களப் படையினருக்கான அத்தியாவசியப் பொருட்கள் போக்குவரத்தை அடியோடு அழித்திருப்பதன் மூலம் தமிழீழப் புலிகளின் கைகள் ஓங்கியுள்ளதை தெளிவாக அறியலாம். யாழ்குடாவிற்கான தரைவழி போக்குவரத்தை மட்டும் துண்டித்ததல்லாமல் வான்வழி போக்குவரத்திற்கான பலாலி இராணுவ விமானதளத்தையும் வான்புலிகள் தகர்த்துள்ளனர்.

இதன் மூலம் தமிழீழப்புலிகள் முப்படைகளையும் கொண்டுள்ளனர் என்பதும் "தமிழீழப்புலிகள்" ஒரு இயக்கமல்ல தமிழீழ அரச படைகள் என்று உலக நாடுகள் அறிந்திருக்கக் கூடும். சிங்களப் பேரினவாத அரசின் அடாவடிப் படையினரின் ஒரே தொடர்பு கடல்வழி மட்டுமே. ஆனாலும் ஆண்மையற்ற சிங்களப் பேரினவாத அரச படையினரால் கடற்புலிகளை எதிர்த்து போரிட துணிவில்லாத காரணத்தால் தமதுப் பேரினவாத படையினரைக் காக்கும்பொருட்டு இந்திய கூட்டமைப்பின் கப்பற்படையின் உதவியை நாடியுள்ளதாகத் தெரிகிறது.

ஈழ பூமியில் ஏற்கனவே தமது படையினரை இழந்திருக்கும் இந்திய கூட்டமைப்பின் அரசானது இலங்கையின் சிங்களப் பேரினவாத அரச படையினருக்கு பாதுகாப்பளிக்கத் துணியாது என தெரிகிறது. பிராந்திய ரீதியில் சிங்களப்பேரினவாத அரசின் சமீபத்திய நடவடிக்கைகள் இந்திய கூட்டமைப்பை எரிச்சலடையவே செய்திருக்கின்றன. மேலும் இந்திய கூட்டமைப்பின் தேசிய பாதுகாப்புத்துறையின் தலைவரான நாராயணனும் "புலிகளால் இந்தியாவிற்கு ஆபத்தேதும் இல்லை" எனத் தெரிவித்திருப்பதன் மூலம் இந்தியக் கூட்டமைப்பு, தற்போது ஈழத்தில் நடைபெற்று வரும் போரில் எந்தவொரு ரீதியிலும் ஈடுபடாது என அறிந்து கொள்ள முடிகிறது.

*****
நேற்று சேலத்தில் உலகத்தமிழர் கூட்டமைப்பின் நான்காம் ஆண்டு நிறைவு விழா பல்வேறு அடக்குமுறைகளையும் தடைகளையும் தகர்த்து இனிதே நடந்தேறி இருக்கிறது. கூட்டத்தில் பேசிய பல்வேறு தமிழர் சமூக, அரசியல் தலைவர்களும் தனி தமிழீழமே தமிழர் தம் உரிமையை திரும்பப் பெறுவதற்கான தீர்வாக இருக்கும் என்று ஒருமனதாக கருத்து தெரிவித்துள்ளனர். மேலும் தமிழீழ தேசியத் தலைவரின் மீதான பற்று தமிழகத்தில் அதிகமாகியுள்ளதும், அதை வெளிப்படையாக தெரிவிக்கவும் பொதுமக்கள் தயங்கவில்லை எனவும் தெரிகிறது. ஆக இந்தப் புதியதொரு எழுச்சி ஈழத்தில் மட்டுமல்லாமல் தாய்த் தமிழகத்திலும் பொங்கி வருவது இனியதொரு விடியலை நோக்கியே...

*****
தமிழீழப் புலிகளின் எழுச்சியையும் தமது தோல்வியையும் தாங்க இயலாத சிங்களப் பேரினவாத அரசு யாருமற்ற ஒன்றுமறியாப் பச்சிளம் சிறார்களின் மேல் குண்டுகள் வீசிப் படுகொலை செய்துள்ளனர். ஒரு பாவமும் அறியா ஆதரவற்ற இச்சிறார்களுக்கு எமது கண்ணீர் அஞ்சலி.

8/05/2006

போலியென்றார்
பொறம்போக்கென்றார்
ஜாட்டானென்றார்
ஜென்ம புத்தியென்றார்

சாதி வெறியனென்றார்
சாதிப்பெருமை
பேசுகின்றேனென்றார்
சூரியத்தனமான
கண்டுபிடிப்பென்றார்

குழுவென்றார்
குழுமமென்றார்
கீழ்ப்பாக்கத்திற்கு
வழிதேடும்
கீழ்ப்பாக்கமென்றார்

நடுநடுவே
நட்சத்திரமென்றார்
உப்புசப்பில்லாமல்
எழுதியதை
அச்சேட்டிலேற்றினார்

அதை மறுபதிவு
செய்து
பின்னூட்டப்புகழ்
பட்டமளித்தார்
ஒருகூட்டார்

தவழ்ந்தேன்
நடந்தேன்
ஓடினேன்
மூச்சிரைத்தேன்

முக்கினேன்
முனகினேன்
திக்கினேன்
தவறினேன்

எட்டி நின்று
பார்த்ததில்
நானும் கடந்த
பத்து மாதங்களாக
கிறுக்கியதில்
குறைப் பிரசவமாய்
இதுவும் ஐம்பதாக

இன்னுமொரு பதிவு

***
-ஐக்கிய அமெரிக்க மாகாணங்களின் எண்ணிக்கை 50.
-தொலைக்காட்சி ஒளிபரப்பான ஹவாய் 5O என்றிருப்பது,ஹவாய் 50ம் மாகாணமாய் இருப்பதால் தான்.
-தானியங்கி துப்பாக்கியின் தோட்டாவின் அளவு 0.50 அங்குலம்.
-யூதர்களின் மர்ம? குழுவான கபாலாவில் உண்மையை புரிந்துணர 50 கதவுகளும், அசுத்தத்தை உணர 50 கதவுகளும் திறக்கப்பட வேண்டும்.
-சொல் வழக்கத்தில் சரிசமான பகுதியை 50 - 50 என்று விளிப்பதுண்டு.
-புகழ்பெற்ற அமெரிக்க கானாப் புகழ் பாடகர் ஒருவரின் அடையாளப் பெயர் 50 சென்ட்ஸ்.
-திருமண வாழ்வில் 50 ஆண்டு நிறைவை பொன்விழாவாகவும் கொண்டாடுவர்.
-இந்தியா குடியரசானது 1950ல்.
-புகழ் பெற்ற இந்திய கிரிக்கெட் நட்சத்திரம் மொகிந்தர் அமர்நாத் பிறந்ததும், சுதந்திர இந்தியாவின் அரசியல் நட்சத்திரமான இந்தியாவின் இரும்பு மனிதன் "சர்தார் வல்லபாய் படேல்" இறந்ததும் 1950.
-நவீன இந்தியாவின் சாத்தானாகக் கருதப்படும் குசராத்தின் முதன்மந்திரி "மோடி" பிறந்ததும் 1950 தான்.
- 565 சுயாட்சி, சார்பு சுயாட்சி மாகாணங்கள் இணைக்கப்பட்டு இந்தியா என்ற ஒரு குடியரசு நாடு உருவானதும் '50ல் தான்.

7/29/2006

"பாடி காட்" முனீசு

...அப்பொழுது இரண்டாம் வகுப்பு படித்துக் கொண்டிருந்தேன். நானும் அண்ணனும் தான் எங்கள் வீட்டின் சிங்கக் குட்டிகள். என்னுடைய உடை முதல் காலணி வரை எல்லாமே அவன் பயன்படுத்தியதாகத் தான் இருக்கும். இதனாலேயே அவன் மேல் எனக்குப் பொறாமையாக இருக்கும். பல நேரங்களில் நான் ஏன் அண்ணனுக்கு அண்ணனாகப் பிறந்திருக்கக் கூடாது என்ற எண்ணம் எழும். என்ன தான் அவன் என்னைவிட இரண்டு வயது மூத்தவனாக இருந்தாலும், இதுவரை அவனை அண்ணனாக பாவித்து பெயருக்கு கூட அண்ணா என்றழைத்ததாக நினைவில்லை. அண்ணன் கொஞ்சம் சாது (அ) பயந்த சுபாவம் உள்ள சிங்கக்குட்டி. இதை நான் என்னுடைய பலமாகக் கருதிக் கொண்டேன். நானும் பயந்த சுபாவம் தான் என்றாலும் அதை என்றும் வெளிக்காட்டியதில்லை. இதனாலேயே பொழுது சாய்ந்த நேரங்களில் அவன் வெளியே செல்லவே பயப்படுவான். துணைக்கு ஒரு ஆள் இருந்தால் தான் வெளியே செல்லுவான். இதனால் பல நேரங்களில் நான் தான் அவனுக்கு "பாடி காட்"...

...அம்மாவுக்கு என்னுடைய மன வலுவை? சிலாகித்துப் பேசுவதில் கொள்ளைப் பிரியம். சதா சர்வ காலமும் அக்கம் பக்கத்து அத்தைகளிடம் "சின்னவன் ரொம்ப தைரியசாலி, பெரியவனுக்கு அவன் தான் துணை" என்று சொல்லும் பொழுது நான் வானில் பறப்பது போன்று உணர்வேன். இந்த "ஸ்டேடஸ் கோ"வை தக்க வைத்துக் கொள்வதற்காகவே பக்கத்து வீட்டு அக்கா சந்தைக்கு செல்லும் பொழுது கூட நானாகவே வலிய சென்று அவளிடம் துணையாக வருகிறேன் என்று கூறி ஒட்டிக்கொள்வேன்...

...அப்பொழுதெல்லாம் தோட்டது வீடு இல்லை. வீட்டை ஒட்டியே கழிப்பிடம் இருந்தாலும் தோட்டத்தில் இருந்த குப்பை மேடு தான் எனக்கு மூத்திரம் அடிக்க இலகுவான இடம். குப்பையை ஒட்டி ஒரு புளிய மரமும் அதற்கு பக்கத்தில் எப்பொழுதும் இலையே விடாத ஆனால் நீண்டு வளர்ந்திருந்த ஒதிய மரமும் இருக்கும். இப்போதைய தோட்டத்து வீட்டின் சமையற்கூடம் இருக்கும் இடத்தில் ஒரு வேப்ப மரமும் பல வருடமாக குள்ளமாகவே இருந்த நான்கு தென்னங்கன்றுகளும் இருக்கும்...

...அப்போது இரவு மணி ஒன்று ஆகியிருக்கும். எனக்கு அவசரமாக மூத்திரம் போக வேண்டுமென்ற உணர்வு. ஆனால் யாரை எழுப்புவதென்று எனக்கு விளங்கவில்லை. அப்பா அம்மா அண்ணன் என்று அனைவருமே நல்ல நித்திரையில் இருக்கிறார்கள்.யாரை எழுப்பினாலும் வசை வாங்குவது உறுதி. அது மட்டுமல்லாமல் "தைரியமான சிங்கக்குட்டி" என்ற பிம்பம் தகர்வதற்கான சாத்தியங்களும் உண்டு. அண்ணன் நாளை என்னை எள்ளலாகப் பார்ப்பான். ஆனாலும் புளிய மரத்தடியில் மூத்திரம் பெய்ய வேண்டுமென்றால் கூடுதலான மெய்யான மன வலு வேண்டும். அதுவும் பச்சையம்மாள் பாட்டியின் மகளான "தனம்" அக்கா தூக்கு மாட்டிக் கொண்ட மரம் வேறு...

...எப்போதும் படுக்கையிலேயே மூத்திரம் போகும் எனக்கு ஏன் இன்று மட்டும் வெளியே சென்று மூத்திரமடிக்க வேண்டுமென்ற உந்துதல் என்று தெரியவில்லை. ஒவ்வோர் இரவும் படுக்கையை ஈரமாக்கியதால் இப்போதெல்லாம் எனக்கு தனிப் படுக்கை தான். ஆனாலும் பெரும்பாலான நேரங்களில் அம்மா எனக்கு வேறுடுப்பு உடுத்தி அவளோடு படுக்க வைத்துக் கொள்வாள்.ஆனால் அவளுக்கு உடம்பு சுகமில்லை இப்பொழுது. அதனால் அவளுக்கும் தனிப்படுக்கை தான். ஆக என் படுக்கையை ஈரமாக்கினால் கூட நான் அம்மாவைக் கட்டிக் கொண்டு தூங்க இயலாது...

...அம்மாவிற்கு அறுவை சிகிச்சை முடிந்துள்ளதால் அவளை சுத்தமாக இருக்க வேண்டுமென்று மருத்துவர் அறிவுறுத்தியிருப்பதாகத் தெரிகிறது. அதனால் அவள் வெண்மையான உடைகளையே உடுத்துகிறாள். படுக்கை முதல் போர்வை வரை அனைத்துமே வெண்மை தான்...

...என்ன ஆனாலும் சரி யாரையாவது துணைக்கு எழுப்ப வேண்டியது தான் என எண்ணி அம்மாவை எழுப்பினேன்.அவள் "ம்" கொட்டினாளேயொழிய எழும்புவதற்கான ஒரு அறிகுறியும் தென்படவில்லை. மீண்டும் எழுப்புகிறேன். பொழுது புலர்ந்து விட்டதாக என்னிடம் கூறிவிட்டு இப்பொழுது தலையையும் சேர்த்து மூடிக் கொண்டாள். எனக்கோ அவசரம். மீண்டும் எழுப்புகிறேன். அம்மா அப்பாவிடம் என்னோடு துணைக்கு செல்லுமாறு கட்டளையிட்டுவிட்டு திரும்பவும் தலையை போர்வைக்குள் நுழைத்துக் கொண்டாள்...

...அது மார்கழி மாதம். இரவிலும், இளங்காலை நேரத்திலும் சிறிதளவு பனி பெய்யும். சில நேரங்களில் பனி மூட்டமாகவும் இருக்கும். இதனால் அக்கம் பக்கத்து அத்தைகள் தலையில் முக்காடு போட்டுக் கொண்டு தான் வாசலில் சாணி தெளித்துக் கோலம் போடுவார்கள். அம்மாவும் அதற்கு விதி விலக்கல்ல. இப்பொழுது அம்மாவுக்கு உடம்பு சரியில்லாததால் செல்வியக்கா தான் அம்மாவிற்கு அனைத்து வீட்டடி வேலைகளிலும் உதவியாக இருக்கிறாள்...

...தோட்டத்து வீடு அப்பொழுது இல்லாத்தால், பிரதான வீட்டு தோட்ட வாசலில் இருந்து அவரைப் பந்தல் ஆரம்பிக்கும். ஒரு பத்தடி வரை வெற்றிடமாகவும் எஞ்சியுள்ள பகுதிகளில் மஞ்சள் மற்றும் சிவப்பு கனகாம்பரச் செடிகளும், பல்வேறு வண்ண திசம்பர் செடிகளும் இருக்கும். அவரைப் பந்தலுக்குக் கீழே இருந்த மண் தரையிலும் அம்மா சாணி தெளித்துக் கூட்டியதால் அது கட்டாந்தரையாகி விட்டிருந்தது. அங்கே மதிற்சுவரை ஒட்டி நானும் அண்ணனும் சேர்ந்து ஒரு செம்மண் கோபுரம் கட்டியிருந்தோம். அதனுள் ஒரு ஈசுவரனும் பொம்மையாக அமர்ந்திருந்தான்...

...என்ன தான் எழுப்பினாலும் அம்மா எழப்போவதில்லை. அடுத்த இலக்கு அப்பா தான் அவரை எழுப்பலாமா என நினைக்கிறேன். சரியென்று அப்பாவை துணைக்கழைக்க அவரும் பொழுது விடிந்து விட்டதாகவும் வெளியே வெளிச்சமாக இருப்பதாகவும் கூறுகிறார். நம்முடைய மனவலுவிற்கு சோதனையா? என்றெண்ணி எம்பி குதித்து தோட்டத்து மின்விளக்கை "ஆன்" செய்தேன்...

...வயலில் போட்டது போக எஞ்சியிருந்த "செனப்பை" விரையை குப்பையில் கொட்டியிருந்தார்கள். அது அப்பொழுது தான் துளிர் விட்டிருந்தது. காலையில் பூ பறிக்கும் பொழுது அந்த செனப்பைத் துளிர்களையேப் பார்த்துக் கொண்டிருப்பேன். பச்சையம்மாள் பாட்டியின் கோழிகள் வந்து குப்பையை சீந்துவதற்கு இப்பொழுதெல்லாம் அனுமதிப்பதில்லை. ஆனாலும் கொஞ்சம் எச்சரிக்கையாகவே இருக்கிறேன். அவளது கோழி அடிபடுவதை அவள் பார்த்தாளென்றால் இட்லிக்கு கெட்டி சட்னி கொடுக்க மாட்டாள். நான் பள்ளிக்கூடத்திற்கு நீர்த்த சட்னிக்காக இன்னுமொரு சுமையையும் சேர்த்து சுமக்க வேண்டியிருக்கும்...

...ஒரு வழியாக தோட்டத்துக் கதவை ஓசை படாமல் திறந்து விட்டேன். மின்னொளியில் செம்மண் கோபுரம் கோபத்தில் சிவந்த மூக்கினைப் போன்று சிவந்திருக்கிறது. உள்ளிருக்கும் ஈசுவரனோ அவனுடைய தூக்கைத்தை நான் கெடுத்து விட்டதாக எண்ணி என்னை நோக்கி உக்கிரமான பார்வையை வீசிக் கொண்டிருக்கிறான். அவனுடையை கண்களைப் பார்த்து எனக்கு பயமேதும் இல்லை. ஏனென்றால் இந்நேரத்தில் வரும் "தனாக்கா" கண்டிப்பாக ஈசுவரன் கண்ணை பார்த்து பயந்து ஓடியிருப்பாள். குப்பை மேட்டில் புளிய மரத்தடியில் அவசர கதியில் என் அவசரத்தை வெளிக்கொட்டினேன்.இப்பொழுது தான் பெருஞ்சுமை குறைந்து இருக்கிறது.இதைச் சொல்லியே அண்ணனை இன்னும் ஒரு வாரத்திற்கு மட்டம் தட்டலாம் என மனதில் குதூகலம்...

...அவசர அவசரமாக தோட்டத்துக் கதவை நோக்கி நடக்கிறேன். பாதி அவரைப் பந்தலை தாண்டியவுடன் தான் கவனிக்கிறேன் அம்மா என்னைக் கடந்து செல்வதை.அவள் அதே வெள்ளைப் புடவை தான் அணிந்திருந்தாள், முக்காடு வேறு போட்டிருந்தாள். கோபத்தோடு அம்மா என்றெலற அவள் என்னைத் திரும்பி பார்காமலேயே என்ன என்று என்னையே திருப்பி கேட்கிறாள். நான் கூப்பிட்ட பொழுது வராமல் இப்பொழுது ஏன் வந்தாய் என நான் கேட்க, வந்த வேலை முடிந்ததால் நான் செல்கிறேன் என்று தூக்கத்தில் உளறிக்கொட்டிச் சென்றாள்.குழப்பத்தோடு உள்ளே வந்து தோட்டத்துக் கதவை தாழிடாமல் அம்மாவிற்காக திறந்து வைத்தேன்.ஆனால் அம்மா உள்ளிருந்து கதவை தாழிடும்படி குரல் கொடுத்தாள்...

...காலையில் அம்மாவிடம் விவரம் கேட்க, அம்மா பாட்டியிடம் விவரம் கேட்க பாட்டியோ பொழுது சாய்ந்தவுடன் மாமரத்தடியில் உள்ள "முனி" கோவிலுக்கு வரும்படி சொல்லிவிட்டு சென்றுவிட்டாள். நானும் அம்மாவும் முனியைப் பார்க்கச் சென்றோம். அங்கே பாட்டி சொன்னாள். முனீசுவரன் தான் எங்களது குல தெய்வமாம். அவனுக்கு குழந்தை என்றால் கொள்ளைப் பிரியமாம் அதனால் தான் எனக்குத் துணையாக நேற்றிரவு வந்ததாக சொன்னாள். என்னால் நம்பவும் முடியவில்லை நம்பாமலும் இருக்கமுடியவில்லை...

***
97ல் வடக்கிந்திய கட்டிடக்கலை உலாவிற்கு சென்ற பொழுது "சென்னை - மத்திய தொடர்வண்டி நிலையத்திற்கு" அருகேயுள்ள "பாடி காட்" முனிசுக்கு நாங்கள் சொல்லாமலேயே ஆட்டோக்காரர் சூடமேற்றி எல்லோருக்கும் நெற்றியில் திருநீறு அணிவித்து பயபக்தியுடன் வழியனுப்பி வைத்தார்.

7/18/2006

அமெரிக்க ஏகாதிபத்தியத்தின் சதி!

இன்றைய பதிவுலகை கோலோச்சிக் கொண்டிருப்பவர்கள் பெரும்பாலும் மென்பொருள் வல்லுனராகவும், தகவல் தொழில் நுட்ப வல்லுனாராகவும் இருக்கிறார்கள். இவர்களில் 98% பேர் அமெரிக்காவிலும் அமெரிக்க கம்னாட்டிகள் மன்னிக்கவும் கம்பெனிக்காகவும் வேலை செய்பவர்களாகவும் இருக்கிறார்கள்.

இவர்கள் அனைவரும் மென்பொருள் குறியீட்டில் அளவுக்கு அதிகமான ஸ்மைலிகளும், அனைத்து குறியீடுகளும் அர்த்தம் புரியாமல் இருந்ததாலும், பெரும்பாலான குறியீடுகளுக்கு ஹெச் ரெப் போட்டு லின்க் கொடுத்திருந்ததாலும் அமெரிக்க சிஐஏ வின் நிரந்தர ஏஜண்டான முத்து (தமிழினி)க்கு ஒரு அமௌண்ட் கொடுத்து குழப்பத்திற்கான காரணத்தை கண்டு பிடிக்க சொல்லியிருந்தார்கள்.

ஆனால் முத்து (தமிழினி)யின் பால் வடியும் பாப்பா முகத்தை கண்டு ஏமாந்த பல தமிழ் மென்பொருள் வல்லுனர்களும், தகவல் தொழில் நுட்ப வல்லுநர்களும் அந்த பதிவிற்கு பின்னூட்டம் அளித்திருந்தனர். இதனை ஒப்புதல் வாக்குமூலமாக எடுத்துக் கொண்ட அமெரிக்க ஏகாதிபத்தியம், அவர்களின் அடிவருடியான இந்தியாவிற்கு 9 கட்டளைகளில் ஒன்றாக ப்லொக்ஸ்பாட்டிற்கு தடை விதிக்கும்படி கேட்டுக் கொண்டதாகவும் தெரிகிறது. இதை நமது அகில உலக சிறப்பு நிருபரான "ஆசை, தோசை, அப்பளம், வடை" மிகுந்த சிரமத்திற்கு இடையே புலன் விசாரணை செய்து கண்டு பிடித்திருக்கிறார்.

அவசர செய்தி:இந்தியாவைத் தொடர்ந்து இந்த களையெடுப்பு பணி அமெரிக்காவிலும் ஆரம்பமாகியுள்ளதாகவும், முதற்கட்டமாக அமெரிக்காவில் இருக்கும் தமிழ் வலை பதிவாளர்களின் ப்ரொஃபைலை தமிழ்மணம், தேன்கோடு ஆகிய வலை திரட்டியிடமிருந்து கேட்டிருப்பதாக அதிகாரபூர்வமற்ற தகவல்கள் தெரிவிப்பதாகவும் நமது "ஆசை, தோசை, அப்பளம், வடை" தெரிவித்திருந்தார்.