முன்மொழிவதும்...வழிமொழிவதும்...

பதிவைப் படிப்பதற்குமுன் தலைப்பை சுட்டினீர்களென்றால் நீங்கள் இப்பதிவில் அனுபவிக்கவிருக்கின்ற வாசிப்பானதின் முன்னுரையும் சுவாரசியமும் கிட்டும்.

நன்றி!
நானும் மேற்சொன்ன அந்த பதிவை படித்துவிட்டு அங்கே கொடுத்திருந்த இணைப்பை சொடுக்கினால், மாரடைப்பே வந்துவிட்டது. பொட்"டீ"கடை யையும் இரு புண்ணியவான் கள் முன்மொழிந்திருக்கிறார்கள். சரி, நல்ல மனசுக்காரங்க...அவிங்களும் பை பர்த் நல்லவைங்களாத் தான் இருந்திருப்பாய்ங்கன்னு நினைத்துக் கொண்டே இன்னபிற பக்கங்களையும் சொடுக்கினால், இவ்வுலகின் ஒவ்வொரு கணமும் ஆச்சரியத்தை உள்ளடக்கியது என்பது போல... "கில்லி" (இது நிச்சயமாக தமிழ்வலைப்பதிவு கிடையாது, சொந்தமான ஆக்கங்களும் அவ்வளவாக இல்லை)யை அதிகபட்சமாக பத்துபேர் முன்னும் பின்னும் மொழிந்திருக்கிறார்கள். எனக்கேற்பட்ட சந்தேகம் என்னவென்றார் முன்/பின் மொழிந்தவர்கள் அனைவருக்கும் தமிழ் தெரியுமா? அல்லது தமிழ் வலைபதிவர்கள் மட்டும்தான் முன்/பின் மொழிய முடியுமா? அப்படியென்றால் கில்லியின் பக்கத்தில் வெளியாகியிருக்கும் ஏன் கில்லி? என்ற பக்கத்தை படித்தார்களாவென பல கேள்விகள் எழும்புகிறது.




அதெல்லாம் தெரிந்தபின்னும் அல்லது படித்தபின்னும் அவர்கள் கில்லியை முன்/பின் மொழிந்திருக்கிறார்கள் என்றால் அவர்களுக்கு மூளை வளர்ச்சி அல்லது மூளைச் சிதைவு ஏற்பட்டிருக்கலாம் என்றே எண்ணத் தோன்றுகிறது. விளம்பரப் பிரியரான பிரகாசுக்கு இப்பதிவும் ஒருவகையில் விளம்பரம் தான். ஆனால் சன் டிவி அளவிற்கு "எக்ஸைட்" ஆகி இங்கே அவர் சல்லியடிக்க முடியாது. அவருடைய் நண்பர்களான இண்டிப்ளாக்ஸ்ன் நடுவர்கள் பத்ரி, முகமூடி ஆகியோர் படிப்பதற்காக கில்லியில் இருந்து திருடிய ஏன் கில்லி?

ஏன் கில்லி என்ற பக்கத்தில் உள்ள, உள்ளது உள்ளபடி...

ஏன் கில்லி?

நாங்கள் வாசிக்கிற, ரசிக்கிற, வேறுபடுகிற, பிறருக்குச் சுட்டிக் காட்ட வேண்டும் என்று நினைக்கிற, விவாதத்தைக் கிளப்பி, குளிர் காயவேண்டும் என்று எண்ணுகிற, பாதுகாத்து வைக்க வேண்டும் என்று நினைக்கிற சுட்டிகளின் கிடங்கு இது.

இது, நாலைந்து நண்பர்கள், அவர்களுக்குப் பிடித்த பதிவுகளைச் சேமித்து வைத்து, அழகு பார்க்கும் ego trip அல்ல. நானும் பாலாஜியும் நண்பர்கள் தான் என்றாலும், ரசனைகளிலும், ஆர்வங்களிலும், நிலைப்பாடுகளிலும் வேறுபாடு கொண்டவர்கள். இந்தத் தன்மை கில்லியில் பிரதிபலிக்கும். இது போலவே, இன்னும் கொள்கை அளவில் முரண்படுகிறவர்கள் சிலரும் இந்தக் குழுவில் இணைவார்கள். தமிழ் சார்ந்த விஷயங்கள் குறித்த ஆங்கிலப் பதிவுகளும் இதிலே இடம் பெறும்.

கில்லியில் original content மருந்துக்கும் கிடையாது. இது ஒரு எச்சரிக்கை..

இதைத் தவிர, கில்லியில் வேறு என்ன நடக்கும் என்று இப்போதைக்கு ‘சொல்வதில்’ ஆர்வமில்லை.

கில்லியின் குறிக்கோள்களாக Common Minimum Programme:

1. நூறு நாள் விடுமுறையாக நீங்கள் காஷ்மீர் சென்றாலும் அல்லது ஒரு வாரம் சத்தியமங்கலத்தில் கடத்தப்பட்டாலும் விட்டுப்போன வலைப்பதிவுகள் எல்லாவற்றையும் புரட்டுவது சாத்தியமல்ல. அப்பொழுது கில்லி பயன்படும்.
2. எழுத ஐடியா தோன்றாதபோது, கில்லியைப் புரட்டினால் பாப் கல்ச்சரும் வலை மிக்ஸரும் கிடைக்கும்.
3. நீளமாக, காத்திரமாக, ஆழமாக ஒரு பதிவு இருப்பதால் தவறவிட்டுவிடுவதும், obvious என்று எண்ணி ஒதுங்குவதும், taboo என்று விலக்கிக் கொள்ளும் சமாச்சாரும், இருக்கும்.
4. முடிந்தவரை கருத்து தீர்ப்பளிக்காமல், கைகாட்டியாக அமையும்.
5. நண்பர்களின் பரிந்துரைகளைத் தாங்கி வரும் போஸ்ட்களையும், தடுக்கிவிழும் தக தகக் குறிப்புகளையும், சுட்டி சொக்கப்பானையில் கிளம்பும் ராக்கெட்களையும் கொண்டு தமிங்கிலரின் பதிவுகளை கோர்க்கும்.
6. கஷ்டப்பட்டு பத்து பாயிண்ட் வர வேண்டுமே என்றெல்லாம் மினுக்கிடாமல், சட்டு புட்டென்று பிடித்த பதிவுகளைப் பகிரும்.
7. கூடியமட்டும் நேரடி செய்திகளைக் கொடுக்காமல், வலைப்பதிவர்களின் எண்ணங்கள் மூலம் முக்கியத்துவமான நிகழ்வுகளை காட்டும்.
8. Zeitgeist, buzz, என்று முடிந்தவரை பீட்டர் விடும்.
9. கூட்டணி அரசியலின் குழப்பத்துடனும், மாற்று சினிமாவின் மெஸேஜ்களுடனும், நவீன ஓவியத்தின் புரியிலி தாக்கங்களுடனும் செயல்பட்டாலும், ரஜினி பட்த்தையும் கமல் படத்தையும் ஒரே நாளில் வெளியிட்டு எதற்கு செல்வது என்று குழம்பவைக்கும் தன்மையுடன் பல ரசனைகள் உங்களை வரவேற்கும்.

அன்புடன்
பிரகாஷ் & பாஸ்டன் பாலாஜி

அடுத்ததாக, முகமூடியின் பதிவில் இருந்து திருடியது பின்வருமாறு...

Indibloggies Awards 2006

இண்டிப்ளாக்கீஸ் விருதுகள் 2006க்கான மனு தாக்கல் ஆரம்பமாகிவிட்டது. யார் வேண்டுமானாலும் தங்களுக்கு விருப்பமான பதிவை இவ்விருதுக்காக முன்மொழியலாம். மற்றவர்கள்தான் செய்ய வேண்டுமென்றில்லை, தன் பதிவின் மேல் நம்பிக்கை கொண்டவர்கள் 'நமக்கு நாமே' திட்டத்தில் தமது பதிவை தாமே முன்மொழியலாம். பிப்ரவரி திங்கள் ஐந்தாம் நாள் இந்திய நேரம் இரவு 9 மணிக்கு பரிந்துரைப்பதற்கான கெடு முடிவடைகிறது.

எப்படி முன்மொழிவது என்பதற்கான விளக்கம் இந்த சுட்டியில் காணலாம்

இந்த வருட(மு)ம் பல பிரிவுகளாக இப்போட்டி நடத்தப்படுகிறது. தமிழில் மட்டும் எழுதப்படும் பதிவுகள் Best Indic blog பிரிவில் வரும்.

இவ்வருடம் சிறந்த தமிழ்ப்பதிவாக தேர்ந்தெடுக்கப்படும் பதிவுக்கு பரிசாக (இதுவரை) முகமூடி ரூ.1000 மதிப்பிலான புத்தகங்களும், தமிழோவியம் $25 மதிப்புக்கான அமேசான் பரிசு அட்டையும் தரவிருப்பதாக தெரிகிறது. நீங்கள் தமிழ் பிரிவிலோ அல்லது வேறு ஏதாவது பிரிவிலோ சிறந்ததாக தேர்ந்தெடுக்கப்படும் பதிவுக்கு பரிசுகள் தர விரும்பினால் இங்கே தெரிவிக்கலாம்

இவ்வருடம் தமிழ் பிரிவுக்கான ஜூரி குழுவில் தமிழ் வலைஞர்கள் பத்ரி சேஷாத்ரியும், முகமூடியும் இருப்பதாக இண்டிப்ளாக்கீஸ் வலைக்குறிப்பு தெரிவிக்கிறது.

இவ்விருது சம்பந்தமாக 'அடிக்கடி கேட்கப்படும் கேள்விகள்' சிலவற்றுக்கு இந்த சுட்டியில் பதில்கள் தரப்பட்டுள்ளன.

நம்பிக்கை இருப்பவர்கள் அனைவருக்கும் குடியரசு தின நல்வாழ்த்துகள்.